乘搭扶手电梯有新规矩？有港男生近日于网上发文提问“排扶手电梯喺侧边摄入去算唔算打尖？”，并附上1张港铁金钟站扶手电梯前挤满乘客照片，引来网民激辩。

有网民指出，好不容易从远处队尾排到扶手电梯口，却被左边突如其来的人打尖，插到右边企位队，确实讨厌，“唔赶时间都冇所谓，但通常90%都系赶，当侧边插完1个又1个又1个又1个……好似排极都未上到电梯，就会忟”。

不过也有网民指出，乘客从四面八方下车汇聚到扶手电梯口，难以定义哪条是队尾，“好多时唔知龙尾喺边，或龙尾在6、7米后”、“因为大家同一时间落车，你喺队尾好多时只系咁啱你道车门喺正部escalator隔篱”。

该港男生于Threads发文发相问道：“排扶手电梯喺侧边摄入去算唔算打尖？”，又认为“似乎系最多人容忍嘅打尖”。

搭港铁扶手电梯侧边摄入算唔算打尖？

照片于港铁金钟站月台拍摄，见到虽有多条扶手电梯往大堂出口，但由于乘客量多，即使每条扶手电梯左右两边都站满了人，仍未能及时消化人流，大批人挤在电梯口等待。

网民激辩：讨厌VS难分龙尾

关于乘搭扶手电梯规矩、打尖与否，每个网民都有不同看法。有网民指出，港人习惯“左行右企”，若排左边队的人到扶手电梯口突然插入到右边，算是“打尖”，“后面排，有人侧边切入，系几讨厌”、“呢啲情况最躁系排自己前面条友挂住揿电话，俾隔篱疯狂cut线令到愈排愈慢”、“摄入去的确系讨厌，但摄完再喺左边企更讨厌”。

有不认为是“打尖”的网民就指出，乘客多已难分辨正确队尾，“咁点定义龙尾？你排紧嘅就系龙尾？人多𠮶条定系边个排得直就系？除非佢写住‘请在此处排队’”、“其实呢啲咁多人嘅时候边有队排吖，边个行埋去咪边个上啰”、“其实等同演唱会球场散场，大班人涌入去个细出口，你个心会好过啲”。

网民：不同车门下车难只排1条队

有网民认为是港铁站设计问题，乘客从不同车门、不同方向月台下车，难以只排1条队，“金钟站动线问题，你呢个位系东铁往金钟方向车尾落车就有扶手电梯。但南港岛线同东铁车头就喺你左边出嚟，你自己都见到啲人流已经block晒右边，啲人净系排到左边队”、“如果只系1个方向排队，只会对1个方向乘客有利，同时下车，反方向只会愈行愈远”、“人哋落车个车门位喺电梯口侧边开，唔通佢要兜去人哋𠮶个车门出口再排过？”。

网民建议：当揸车汇合线梅花间竹顺住入

有网民表示，“如果繁忙时间，𠮶个人又摄得靓（离电梯仲有好远距离/同我有距离咁摄），我冇咩所谓。但如果踏入电梯𠮶下先摄个啲，我一律唔让，揽抄一齐迫啰，之后会照揿电话，哎呀唔小心系咁笃到佢背脊添，有啲识do嘅会走，唔识嘅咪继续俾我笃啰”。

有网民认为与驾车一样，梅花间竹切线入车道并无问题，“其实同揸车一样，好多人都由侧边切入㗎啦，你都吹佢唔胀”、“当揸车汇合线咁玩，大家1212咁咪几好”、“但车排队入隧道，都系梅花间竹咁顺住入啦。咁冇理由前面𠮶啲要行返去后面，跟住又再向前行咁白痴啊”。

（Threads@hckittt）