去潮州餐厅用餐“中伏”？有食客分享在元朗某潮州菜馆售价29元的七彩炒米粉，但米粉卖相“白赖晒”，仅得米粉配萝卜丝，询问店员获回复“系呀系咁㗎”。事件引发网民热烈讨论，不少人批评餐厅“咁都够胆收人$29”、“劲憎啲炒两下就话系炒米粉，同啱啱烚起差唔多”，又笑称楼主“X咗喺你到，彩咗喺佢到？”。

但有留言认为餐厅在点菜程式已贴出炒米粉的示意图，明显和实物相符，不解楼主为何下单后才感到错愕，“佢张图已经几唔吸引下”、“见到咁嘅相你都照落单嘅，系你问题多啲啰”。

元朗潮州菜餐馆$29七彩炒米粉　仅得米粉配萝卜丝

该食客在threads发帖，指到元朗某连锁集团旗下的潮州菜餐馆用餐，点叫一碟要价29元的七彩炒米粉。从楼主拍摄照片所见，米粉看似和萝卜丝拌匀便直接上碟，完全未见有调味，整个卖相“白赖晒”，难以令人提起食欲。

实物和点菜程式照片相同　店员回复：系呀系咁㗎

楼主贴出餐厅在点菜程式的照片，可见示意图和炒米粉卖相近乎一致，同样只有米粉配搭红萝卜丝，但楼主当时仍对炒米粉的卖相存疑，遂向职员查询，被告知“系呀系咁㗎”，故询问网民“如果系你，你会出声反映定照食？”。

网民斥餐厅食水深：仲清过控糖餐

帖文引来网民热议，被转载至其他平台，不少人指餐馆“食水深”，“咁都够胆收人$29”、“芽菜咁平都无条，又真系好鬼离谱”、“得返红萝卜丝都可以只系得𠮶几条”、“劲憎啲炒两下就话系炒米粉，上碟白赖晒，同啱啱烚起差唔多”、“改个咁嘅名，仲衰过普通炒米粉”，又揶揄“伏到七彩！”、“七彩意思系你见到碟嘢会X到佢七彩”、“七只色合埋咗？得返白色”、“仲清过控糖餐”、“若果食斋𠮶日，呢碟嘢啱晒”。

网民嘲楼主明知卖相仍下单：佢赚到七彩咁炒俾你食

但有留言觉得餐厅在点菜程式已显示菜品的卖相，点叫与否纯属个人选择，“咁佢幅相又真系冇呃你”、“本身张图都只系萝卜丝斋米”、“图片和实物相符”、“只可以话个名劲过头”、“佢张图已经几唔吸引下”、“见到咁嘅相你都照落单嘅，系你问题多啲啰”，又调侃楼主，“7咗喺你到，彩咗喺佢到？”、“意思佢赚到七彩咁炒俾你食”。

其他报道：外卖$78葱油鸡丝饭！卖相与示意图落差极大　鸡丝碎被嘲似瑶柱丝

图片只供参考？有女生在网上发文，指外卖订购一份售78元的葱油鸡丝饭，而餐厅提供的示意图显示，米饭上方铺满鸡丝，惟外卖送达时，仅有零碎鸡丝，以及小量葱油，她觉得“中伏”，明言“下次我再嗌呢间我就系戆X！”

许多网民看过图片后，都觉得餐厅离谱，“佢𠮶几条鸡丝好似可怜你咁”、“以为系瑶柱丝”，又表示理解为何众多港人宁愿北上，亦不愿留港消费，“香港真系好多呢种餐厅，白饭就好多，𩠌就得𠮶少少，自己都无心经营”、“黐X线，咁都$78，唔怪得咁多人北上”。

外卖点叫78元的葱油鸡丝饭

该女生在threads帐号发帖，傻眼表示“Am I a joke？（我是笑话吗？）”。从她上传的照片所见，她光顾本地某人气短片制作团队和台式餐厅联名开设、位于旺角的主题店，并经外卖平台点叫一份要价78元的葱油鸡丝饭，计算运费、平台服务费、以及所有折扣后，实际付款约82元。

仅零碎鸡丝和小量葱油　食客：再嗌呢间我就系戆X

但她就不满葱油鸡丝饭卖相，和餐厅所提供的示意图有极大反差。餐厅贴出的示意图显示，米饭上方铺满鸡丝，给予人“啖啖肉”感觉，惟外卖送达时，仅有零碎鸡丝和榨菜，亦只有小量葱油，可谓完全符合“图片只供参考”字句，气得楼主明言“下次我再嗌呢间我就系戆X！”

网民斥离谱：以为系瑶柱丝

不少网民批评餐厅离谱，“我第一时间谂紧你系咪台湾人？系咪台币？”、“佢好意思出街𠮶下劲”、“呢兜嘢78（元），似大陆拼好饭7.8（元）多啲”、“惨X过中学饭商”、“二手饭都多𩠌过你”、“呢度鸡丝100g都无”、“以为系瑶柱丝”、“sorry真系有啲似我阿妈以前整畀只狗食嘅鸡丝捞白饭，（啲）鸡都多过佢”、“佢𠮶几条鸡丝好似可怜你咁”、“食咗个寂寞”、“真系要畀负评呢间嘢”。

网民：唔怪得咁多人北上

有人指香港餐饮业质素每况愈下，难以吸引港人留港消费，“74蚊就算份量同幅图一样，我都觉得贵”、“80蚊𠮶啲盐焗手撕鸡都买到半只啦”、“黐X线，咁都$78，唔怪得咁多人北上”、“香港真系好多呢种餐厅，白饭就好多，𩠌就得𠮶少少，自己都无心经营，唔好再怪人北上”，又调侃楼主“有葱有油有鸡丝有饭”、“多谢帮手交租”。

（threads＠mingxmusic）