和年幼子女失散，父母当然要立即寻人！本港一名女子近日在Threads表示，在港铁石硖尾站月台见到“有个大约4岁嘅细路喺度爆喊”，自己出于好意，“行埋去问佢系咪唔见咗妈咪”。小童一边哭泣，一边表示“妈咪自己跑咗去前面，上咗车走咗”，却遗下幼童独自在月台。楼主询问“知唔知阿妈电话”，小童递上写了电话号码的八达通给楼主。

楼主立即致电，正当以为母亲会心急如焚，岂料对方接通后，要求楼主向儿子代讲，“叫佢自己搭下一班车去下个站”，母亲在下一个车站等候。

一听真系火都嚟埋，顶唔顺直接爆佢：“你有冇搞错呀？个小朋友得几岁，你叫佢自己搭车？”

楼主亦都不太放心，任由小童自己上车，但母亲仍然计较时间，询问楼主“系咪都系去同一个方向，可唔可以顺便帮手带埋个仔过去？”

条友真系痴X线，万一成条街啲人以为我拐带儿童，𠵱条数点计先？

楼主差点想报警，最终直接叫月台职员过来处理，交给职员后没有再理会。

帖文引来许多网民讨论，纷纷批评母亲恶行：

“报警，等佢去警署接返个仔，告佢疏忽照顾”
“其实你真系要报警，无后果，呢啲人只会一错再错”
“呢啲阿妈真心要考牌”
“呢啲咁嘅老母！希望仔女大咗都留佢喺老人院”
“其实真系要报警，疏忽照顾同心理伤害系属虐待儿童，系犯法”

亦有人心痛小朋友：

“4岁真系好细个，幼稚园中班嘅小朋友”
“希望个小朋友心理冇事啦，仲要日日对住𠵱个大人”

更有网民大赞楼主做法正确：

“好彩你够冷静”
“咁唔合理应该好有可能系骗案嚟，你醒目交畀职员”
“你嘅好人好事要欣赏”

更有过来人分享类似经历，母亲“话专登训练个仔独立而濑低个仔，好似又系3至4岁”，亦有人在港铁钻石山站直击“成家人冲门，剩返个小朋友喺月台”，自己和一名热心女子陪同小朋友搭到下一个站，“谂住揾返小妹妹屋企人”，“点知下一站见唔到佢啲屋企人”，原来家人前往数个车站后的地方，她们唯有向职员求助。

真系唔知佢屋企人谂咩？𠮶个妹妹好细个，佢连屋企人个电话都唔记得，都好彩讲得出读到边间学校。

但有网民分享其他有关走失的好人好事：

“我细个系（幼稚园年纪）唔见咗姨妈，跟咗几个好心嘅哥哥姐姐去麦当劳食薯条，再背屋企电话等人接”
“小朋友唔识背公公电话。 于是，我在旁边陪佢等咗一阵。 好彩5分钟后，佢公公回来。我都放心啲。不过，佢公公可能以为我系坏人，带住小朋友，就直接走了。不过，都唔紧要，小朋友安全就得”

根据本港法例第212章《侵害人身罪条例》 第27条，任何超过16岁而对不足该年岁的任何儿童或少年人负有管养、看管或照顾责任的人，如故意袭击、虐待、忽略、抛弃或遗弃该儿童或少年人，或导致、促致该儿童或少年人受袭击、虐待、忽略、抛弃或遗弃，其方式相当可能导致该儿童或少年人受到不必要的苦楚或健康损害（包括视力、听觉的损害或丧失，肢体、身体器官的伤损残缺，或精神错乱），即属犯可循公诉程序审讯的罪行：

(a) 循公诉程序定罪后，可处监禁10年
(b) 循简易程序定罪后，可处监禁3年

（Threads@723.owc）