【借钱党／请食饭党】骗徒手法层出不穷。有香港男生于社交平台Threads发帖文分享好心帮人却被骗经历，指在街边等巴士时遇到有阿婆借钱，他估计对方是骗徒，于是想用“请食饭代替”现金来击退阿婆，讵料阿婆“打蛇随棍上”疯狂加单且要求多多，最终港男花了近100元，更目击心碎一幕，直呼“以后我喺香港唔会再喺街帮人”。

帖文引来网民热议，纷纷批评骗徒离谱，又安慰好心港男，“我相信呃人会有报应，你善良就一定有好报”、“绝情嘅人都系受过伤”。也有网民教应对骗徒方法，建议港男下次要“扮听唔到”。

“经一事长一智，我以后都唔会帮。”该香港男生于8月22日（星期六）在Threads发帖文，指在街边等巴士时，有阿婆走近诉苦并借钱，“话自己几惨几惨，八达通负钱冇钱搭车返屋企，屋企冇钱开饭，仲有老过自己嘅妈妈要养，佢有返工，做地盘打杂，有试过问判头借粮不过判头唔肯借，山穷水尽，所以想我施舍一百几十畀佢”。

好心港男遇阿婆借钱开饭　请食KFC变噩梦

楼主估计阿婆是骗徒想“呃钱”，于是机警回答“阿婆，我身上冇钱呀，得张八达通可以买个饭畀你，但你要钱我就帮你唔到”。楼主原以为“请食饭代替现金”一招可以击退阿婆，没想到阿婆竟真的要他买饭给她。

阿婆不断加单要求多多：好心有好报啊先生

无奈下，楼主与阿婆走到附近KFC（肯德基）买饭，讵料是噩梦开始。楼主表示，他原本想买桶饭餐，惟阿婆得寸进尺要求他买2个饭餐，理由是“两个饭先够我（阿婆）同我妈食，同埋我第二朝可以带饭返工”。楼主答应后，阿婆要求楼主多买2个“葡挞”，但待楼主在点餐机下单“葡挞”后，阿婆又说“我唔系想食普通葡挞呀，系紫薯葡挞呀”，要求楼主“再揿过”重新点餐，强调“好心有好报啊先生”。

港男终花94元　悉真相心碎：以后我喺香港唔会再喺街帮人

面对阿婆多多要求“买完一样又一样”，楼主最终花了94元，而阿婆取餐后留下1句“多谢”就急脚离开，“我𠮶下其实觉得自己系俾人呃咗，边有人穷到冇饭开仲咁多要求？”。

然而真相比想像更残酷，楼主目击刚刚声称“八达通负钱”的阿婆，竟然乘搭巴士并取出长者八达通拍卡，令他崩溃心碎，直呼“唉，真系俾人呃咗，以后我喺香港唔会再喺街帮人。大家记得小心提防骗子”。

网民批骗徒离谱　安慰港男：好人有好报

网民看过帖文纷纷批评阿婆离谱，又安慰楼主“善良一定有好报”：

“你真善良，我相信呃人会有报应，你善良就一定有好报”
“好人有好报的，做坏事嘅终会自食恶果”
“真冇钱嘅点会要求多多又乜又X，楼主心地太好了”
“讲真，我好respect你哋呢啲明知多数系呃人都会出手帮人嘅人”
“绝情嘅人都系受过伤……”
“啲骗子真系面皮厚”
“好明显俾人呃咗，真系有需要嘅系唔会咁贪心叫你加呢样加𠮶样，呢啲阿婆最精扮惨咁又悭返几十蚊又有餐饭食，你应该唔系第一个落叠”

也有网民分享同类经历，“教路”应付骗徒方法：

“以前试过见路边有个阿婆坐路边，我见个天好晒惊佢中暑问佢有冇嘢要帮，点知一行过去就呻自己好穷冇钱又话啲仔女唔理，叫我畀钱买饭，我拎咗20蚊出嚟，佢话20蚊食咩饭，叫我畀几百蚊佢，捉住我唔放手，然后有个阿姨行过见到喺度骂佢，我趁机跟住个阿姨走佬……下次我唔会咁多管闲事”
“以前有阿婆好恶咁叫我畀钱佢食饭，扮听唔到”

“欺诈罪”可监禁14年

根据香港法例第210章《盗窃罪条例》第16A条“欺诈罪”，如任何人藉作任何欺骗（不论所作欺骗是否唯一或主要诱因）并意图诈骗而诱使另1人作出任何作为或有任何不作为，而导致该另1人以外的任何人获得利益；或该进行诱使的人以外的任何人蒙受不利或有相当程度的可能性会蒙受不利，则该进行诱使的人即属犯欺诈罪，一经循公诉程序定罪，可处监禁14年。

（Threads@bruce.lky）