在交通工具上随意拍照公审他人，实在不要得！有港铁女乘客近日在社交平台发文，不满1对长者夫妇带同2名男童乘车，其间男童们脱下鞋子并躺在夫妇二人大腿，称当时正值“繁忙时间”，遂拍下照片公审。

不过楼主围炉不成，反而引来网民一面倒批评，认为她偷拍行为更为无品，“最有问题系你随便影人相”、“两个细路又唔嘈又除咗鞋又冇阻到人，我睇唔到有咩问题”、“四个人（坐）四个位，你理X得佢倒立啊”，更表示欣赏长者1个贴心举动，“女士只手仲要按住小朋友只脚唔会踢出去，人多𠮶阵反而仲因为小朋友只脚冇放落嚟，随时多咗空间企”。

女生称繁忙时间搭港铁　遇2男童除鞋“打横瞓”长者大髀

该女乘客在threads帐号贴相公审，不满称“第一次见人喺繁忙时间咁样搭港铁”。相中显示，当时1对疑为夫妇的长者带同2名男童搭乘港铁，他们一行4人坐在一排座位，长者两人坐在中间，2名男童则坐在左右两旁，先用毛巾垫高头，然后脱下鞋子平躺并将双脚晾放在长者大腿上。从相中目测当时车厢虽然有乘客需要站立，但情况未至于非常挤迫，和楼主所指的“繁忙时间”似乎有出入，因此惹来网民质疑。

网民反斥楼主多事：又冇阻到人

大部份网民认为相中众人行为完全无问题，反斥楼主公审他人举动，“四个人（坐）四个位，你理X得佢倒立啊”、“两个细路又唔嘈又除咗鞋又冇阻到人，我睇唔到有咩问题”、“大人坐得端庄有修养，无用到多余嘅位又无整污糟张凳”、“呢个坐姿虽然都有啲奇怪，但系都几有礼貌几自律”、“女士只手仲要按住小朋友只脚唔会踢出去，人多𠮶阵反而仲因为小朋友只脚冇放落嚟，随时多咗空间企，到底有咩问题？”。

两个细路唔瞓坐喺到，你会多个位坐？

楼主偷拍公审反挨轰无品

有留言因此批评楼主偷拍行为，“最有问题系你随便影人相”、“睇唔出有几繁忙，仲有咁多空位畀你影”、“就算佢哋坐好都唔会有位畀你坐啰，一行本身就系坐四个人”，认为近年不少港人动辄公审，劝喻应多加体谅包容，“会否系小朋友唔舒服？”、“小朋友可能都系被迫搭长（途）车程去返学，而长老负责接送都辛苦”、“老人家帮忙凑其实好累，咁啱4个位又无嘈吵、又无周围走、又无食嘢食到成地都系，反而我觉得系教科书级别嘅凑小朋友典范”。

两个老人家凑两个细路仔，不容易的，体谅下

未影响人VS缺乏礼仪　惹网民激辩

但有留言认为在公众场合，的确要教育小童注重礼仪，“以前我如果身体不适，长辈只会叫我靠在他肩膀，或者趴在自己大腿上，这辈子没在公共空间里这样躺过”、“我都唔识讲啱定错，只系想讲公众地方咁样瞓，会唔会觉得唔好意思啊？”、“留言话冇问题，的确冇！但有教养唔会（喺）公众地方咁”、“四个人坐四个（位）听落好似系合理，但合理唔代表系乱嚟，公众地方可唔可以检点啲，好睇啲呢？呢度系车厢，系坐位，就守返个规矩”。

（threads＠phoebelambao）