乱抛纸巾落电车路轨旁 跑马地女子：落雨冲走就冇 乘客嬲爆公审
乱抛垃圾还大条道理辩驳？有电车乘客于网上发文，公审1名女子在跑马地电车站乱抛垃圾，将纸巾丢弃在电车路轨旁，楼主当场斥责，女子反说“𠮶度系坑渠，落雨冲咗落去就冇”。楼主于帖文气愤指出，“总之就好X嬲啦！啲垃圾人仲咁大条道理！”，直言“唔可以姑息呢啲人！保护香港，人人有责！”。
网民留言赞赏楼主，“你好正义，欣赏你，唔好嬲，唔好俾呢啲人激亲自己”、“多谢你出一分力守护香港”。有网民指出，“街道上𠮶啲系雨水渠，唔系用嚟冲垃圾”、“雨水渠塞咗，落雨就会水浸”、“就算佢掉嘢落坑渠都系乱抛垃圾㖞，满口歪理！”。
“后生细女周街掉垃圾”。该电车乘客于Threads发文讲述事件，事发于跑马地电车站，当时1名女子在坑渠呕吐，心想是否身体不适，要不要帮忙时，下秒就见到呕出来的东西像其手上拿着的饮品，不像身体不适就没理会。
跑马地女子乱抛纸巾落电车路轨旁
随后楼主发现该女子竟将1张用过的纸巾丢在电车路轨旁，“我咪叫佢执返佢，做咩周街抌垃圾！”，女子未有回应就上了电车，楼主跟着上车。
女子辩驳：落雨冲咗落坑渠就冇！
楼主于车上要求女子捡回纸巾，表示“呢度香港，唔兴乱抛垃圾！”，女子辩驳道“𠮶度系坑渠，落雨冲咗落去就冇！”。
楼主指出，“首先𠮶度唔系坑渠系电车底（路轨旁），第二系冲咗落去都会塞渠！第三系，系唔系坑渠都唔改佢周街掉垃圾嘅事实！”，惟遭女子反骂，“佢猛话我唔用脑，纸巾冲落坑渠咪冇啰”。
楼主怒斥：啲垃圾人仲咁大条道理！
楼主续说，“我话你觉得冇问题咪喺差佬面前掉几张睇吓点啰。佢话你咪报警啰！$1000我畀唔起咩！（编按：乱抛垃圾罚款应为3,000港元）”。
楼主于帖文气愤道，“佢系讲广东话嘅，唔知咩人教出嚟咁后生会咁顺手周街掉垃圾！总之就好X嬲啦！啲垃圾人仲咁大条道理！”。
楼主：保护香港，人人有责！
楼主表示，平日搭车或在餐厅遇到有人未有戴耳机开声看影片、剪指甲等都会出声，“明明我本身系1个怕冲突嘅人，但太多人啲行为太离谱太唔自律太自私先迫到我要学识出声！如果唔系呢啲人以为自己行为影响唔到人／可以接受！”，直言“唔可以姑息呢啲人！保护香港，人人有责！”。
网民：香港需要团结去击退冇公德心的人
“违害社会！厚颜无耻！帮佢贴堂啦”
“谢谢你嘅见义勇为，希望啲人唔好污染香港”
“多谢你唔怕麻烦，香港需要团结去击退冇公德心的人”
“你好勇敢又唔怕麻烦，已经做得好好，系香港人嘅好榜样”
“你做得完全正确，大家都咁做，佢哋都会觉得好烦，再做嘅时候会考虑下收手。我都有喺巴士对抗播片大叔，系成功嘅。一起努力，守护香港”
“以为冇人睇到，点知俾人发现就死鸡撑饭盖。大家唔好净系识得赞人勇敢佩服对方，大家都应该要守护自己嘅地方，1个出声两个出声3个出声，唔好次次都令到开声嘅人孤军作战，然后觉得有人讲咗我自己就唔出声，咁样永远唔会有人行出第一步，因为失去支援就会助长对方气焰，一定要群策群力”
香港乱抛垃圾罚多少钱？
根据香港法例第570章《定额罚款(公众地方洁净及阻碍)条例》，在公众地方乱抛垃圾，定额罚款3,000元。