有时简单安慰一句，足以平复当事人的心情。有网民在Threads发文表示，今年11月5日乘搭巴士时，“见到有个后生仔坐坐下碌电话，无啦啦喊咗出嚟”，对面1名陌生婆婆见状，出声兼轻拍安慰，甚至递上纸巾，与该名年轻人聊天，“后生仔无分享过嘢，但几次多谢婆婆关心”。

楼主大赞“多谢婆婆，你嘅一步可能拯救咗一个人，祝婆婆身体健康，亦希望后生仔可以开心返”，同时询问大家有否遇到同类事件。

许多网民忆述，自己试过在公众地方情绪崩溃爆喊：

“试过坐紧巴士返工途中，接获姨妈离世（细个姨妈凑大），喺巴士上喊到完全收唔到声”

“我自己都有几次，试过企喺街痛哭，不过可能我已经有用紧纸巾所以无人埋嚟，但人真系去到好伤心，先会忍唔住喺条街度大喊”

部份人更获得陌生人伸出援手：

“我试过做喊那个，好似系失恋咁上下，有个婆婆好温柔叫我唔好喊”

“上年爸爸过身，处理好所有嘢，谂住一个人搭车拜爸爸。坐巴士最后一行突然忍唔住爆喊，对面有对父女，小朋友好细个，望住我。我已经一直望窗好惊影响到人，最后对面爸爸俾咗张纸巾我，虽然大家都无出声，但当时觉得好似有人接住咗自己情绪，真心好多谢个位男士同小朋友”

“有次同男朋友闹交，坐喺屋苑平台喊，有个女仔经过安慰咗我一阵，上楼之后又落嚟拎咗啲嘢饮零食畀我”

更有人曾经接收过其他人的善意，所以愿意帮助人：

“1个女仔爆喊，佢落车，我跟住佢，见周围无人，俾咗1包用剩2张纸巾佢，问佢‘可以揽一下？’，同佢讲‘希望你喊完，心情会好啲，有问题记住揾人帮手’。试过喺医院有屋企人离开，我坐喺房外爆喊，有个姑娘行嚟安慰同揽咗一吓，呢个拥抱好有力量，当时感觉我仲记得”

与陌生人之间“微互动连结”

在心理学层面，这种陌生人之间的短暂暖心接触被称为“微互动连结”（Micro-moments of connection）。美国心理学家芭芭拉·弗雷德里克森（Barbara Fredrickson）在其著名的“积极共鸣”（Positivity Resonance）理论中指出，人与人在突发绝望或孤立无援的时刻，哪怕只是来自陌生人短短几秒钟的善意眼神、拍肩或递上一张纸巾，都能在生理上刺激催产素分泌，有效降低皮质醇（压力荷尔蒙）水平。这种“被看见、被接纳”的感觉，能让当事人从极度紧绷的神经崩溃状态中抽离出来，迅速建立起基本的情绪安全感，往往能在关键时刻阻止当事人的负面思维继续恶化，甚至因此救人一命。

（Threads@yeee_abc）