轮公屋获派颂安邨 单位对正这处+闻前住户病历欲拒 街坊笑走宝
马鞍山颂安邨邻近马鞍山海滨长廊,部分单位拥有海景,是不少人梦寐以求的居住地点,但竟然有公屋轮候者因两原因却步?该轮候者近日于网上发文征求意见,指出获派颂安邨颂群楼,但听闻前屋主精神有点不正常,加上单位对面是垃圾房,故纠结应否接受此编配。
网民直指不理解楼主为何有此忧虑,“放心,精神病唔会传染”、“好彩系前屋主精神有问题,而唔系对面屋主嘛!”,有网民建议先实地考察再决定,“亲自去现场睇咗先啦!我哋隔篱都系垃圾房,但异味少走廊又算干净,所以照要咗,住咗几年都无咩大问题”。
有颂安邨居民留言盛赞屋邨,“好住到爆,你唔要大把人要”、“颂安可以话成个马鞍山坐车最方便嘅公屋”、“派到好过中六合彩”、“如果唔系凶宅要咗佢,否则走宝”。
该轮候者于facebook群组“公屋讨论区”发文问道:“派咗马鞍山,但听说前屋主精神有点不正常,加上对面就系垃圾房,要唔要好?”楼主透露,获编配颂安邨颂群楼。
轮公屋获派颂安邨 单位对正垃圾房+闻前住户精神不正常欲拒
颂安邨共有5栋楼宇(颂德楼、颂群楼、颂平楼、颂和楼及颂智楼),分别于1996年至2001年入伙,楼龄25至30年。地理格局上,颂安邨属背山临海,屋邨东面背靠马鞍山郊野公园群山,西面远眺吐露港与沙田海,景色开扬。
居民步行数分钟即可抵达马鞍山海滨长廊,屋邨生活配套充足,附近有颂安商场、新港城中心、马鞍山体育馆、马鞍山公园,步行8至11分钟即可到港铁马鞍山站或恒安站。
网民:穷比精神病更可怕
“放心,精神病唔会传染”
“前租户关你咩事呀?”
“穷比精神病更可怕”
网民揶揄楼主“嫌三嫌四”
“前屋主有精神病梗系唔好要啦!会传染㗎!你而家未入去住都已经隔空中招!唔要,一定唔好要”
“唔好要,留返畀有需要嘅人!”
“上到楼有公屋住仲嫌三嫌四?”
“唔好要,等新楼、高层、向南、见海、邻居上下左右对面正常先要,3次都无就再申请排到有为止”
“尾房又话唔好,最底最顶层又唔好,咁有钱不如住加多利山独立屋”
“住公屋无得你拣坐向㗎,要求咁高唔去买柏傲庄?”
“唔好要,自己畀钱买迎海”
“最好揾埋风水大师一齐睇楼,佢话OK先考虑”
网民述住近垃圾房好处:方便掉垃圾
“近垃圾房方便掉垃圾”
“急住嘅,垃圾房关门有咩问题,好过交贵租”
“私人楼都会有单位对住垃圾房啦,咁咪冇人买?”
“住到走廊尾行到水蛇春咁长,不太多垃圾都等到早上返工先去掉”
颂安邨居民:好住到爆,你唔要大把人要
“颂安可以话成个马鞍山坐车最方便嘅公屋,所有巴士线都会经过颂安,大老山转车返马鞍山,如果你唔谂价钱,基本上部部车都返到屋企”
“我住同邨,好住到爆,你唔要大把人要,上手同你有咩关系呢?歧视?”
“我住颂安,觉得几好住,如果唔系凶宅要咗佢,否则走宝,人哋恨都恨唔到”
“颂安邨最值钱嘅系条海滨长廊”
“颂群有啲单位可望到大海,又望到观音可保佑,环境唔错,得闲又可以行去海滨长廊散下步,看下大海,唔好谂咁多,要咗佢,又近马铁,又可以行去新港城中心,食嘢买嘢选择又多,又可以行去颂安商场,买𩠌又平又方便,真系唔错,派到好过中六合彩”
(facebook群组“公屋讨论区”)