方力申渡海泳至澳门|网民列改观4件事:以前寸到无伦,现感佩服
艺人方力申昨日(11月21日)挑战由香港渡海泳至澳门,全长35公里,最终以8小时37分24秒完成,打破前人历年纪录,获得健力士世界纪录认可,并成功筹得1,000万善款,支持基层及有特殊教育需要(SEN)儿童参与体育培训。方力申的善举与毅力引来facebook网民盛赞,发文分享对方力申彻底改观的4件事,不少网民认同方力申年轻时态度“寸寸贡”,但现时认为“佢唔系无料扮四条,有料自然寸得起”、“以前我都叫佢万刀甲,因为呢件事我以后叫返佢方力申”、“以前对佢印象麻麻,现在改观了,起码唔系X噏,真系做实事”。
不少网民纷纷表达敬佩之情,“当你浸喺波涛汹涌咸水度8个钟𠮶啲滋味,唔好叫你游,已经好犀利,好嘢,佩服佩服”、“为咗慈善揾条命嚟博,冇得顶”、“用实力说话”、“咁嘅年纪要有咁嘅体力真系好难!”、“香港人之光”、“好极致的勇气毅力,秒秒都是危险搏斗”、“我平时很少捐款,今次会捐款支持一下!但劝吁小方不可再作高风险筹款活动,再有下次,佢企出嚟呼吁,我就愿捐款!今次当10次!”。
由凝动香港体育基金主办的“方力申港澳慈善游2026”11月21日举行,方力申在大澳上船出发往大屿山最西面的鸡翼角,其后早上9时下水横渡珠江口游往澳门黑沙海滩,全长35公里。
方力申35公里渡海泳至澳门
有网民于facebook群组“香港即时突发事件讨论区”发文表达近年对方力申改观的感受,指出“以前睇过方力申嘅访问,觉得佢寸到无伦,成日讲自己当年个香港纪录10几年都无人破到,乜乜XX”。
楼主对方力申彻底改观的4件事
1. 佢开游水学校,为咗个学生单挑泳总(编按:曾多次公开发声,质疑香港游泳总会的属会分级、计分及参赛资格制度)
2. 40几岁学人参加世界游泳比赛,赢咗个金牌(编按:2025年新加坡世界先进游泳锦标赛45-49岁组别赢得3面金牌)
3. 上次游环岛泳(编按:2019年香港岛45公里慈善环岛泳)
4. 今次仲学人游水去澳门,35公里,全程8.5小时,全程直播
楼主:又冻又大浪,真心揾命博
楼主指出,方力申“唔系为自己,系做慈善,系为有需要嘅细路筹钱”,佩服道“又冻又大浪,真心揾命博”。
楼主认为,“方力申嘅创举已经写入史册,前无古人后无来者”,他又担心方力申身体,“老老实实真系唔好再咁样游,下次去泳池好无?”。
网民:为慈善而游,值得敬佩!
“行8个钟都有难度,游8个钟真心佩服”
“净系浸喺水度8个钟,唔使你郁都辛苦,唔好话要游8个钟”
“真心,咁游过去,真系差啲命都无,8.5钟你叫1个人正常行山无得坐低休息都死”
“喺个海度游成8粒几钟,中间仲要有好多未知数,冇人会知发生咩事,真心揾命搏”
“为慈善而游,值得敬佩!而且,系游足近9个钟,46岁,唔系讲笑!会死人!十分抵赞!而且当晚上水立即出席澳门百老汇慈善演唱会,香港,甚至全世界,冇乜人做得到!仲要入埋健力士,最快个人游香港至澳门!小方,劲揪!”
网民:方力申游水系寸得起
“佢唔系无料扮四条,有料自然串得起,话人无出头𠮶啲,说穿就系葡萄,方力申已用行动证明”
“方力申游水系串得起,佢真人几斯文,喺大学时对同学与师长都好有礼貌,唔错嘅1个人”
“咁佢个纪录确实20几年后先有人破,佢背后付出咗几多努力,我又唔觉得寸㖞”
“佢啲香港纪录又真系好多年冇人破到,虽然而家已经俾人破晒,但保持咁耐都系好难得呢个系事实!你都系担心佢玩大咗有危险啫!放心㖞!佢仔细老婆嫩应该识谂!”
“由佢一次访问讲过:小朋友来学游水,家长话要教到小朋友可以赢,但方力申话我系教佢输,因为比赛只有1个人赢而大部份人都系会输,所以要学识点解会输,日后至有机会赢。听完呢番话我就觉得佢系与众不同,而且仲系有料𠮶只!”
网民感方力申现时为人更踏实:结婚生仔后有改变
“其实佢好代表80后嘅香港人,年青梗系寸寸贡,不可一世。但随着年纪大咗,人生经历多咗,做事都成熟咗。佢同好多香港人一样,都系乐于助人、关心社会、有慈善帮人嘅心,呢个系土生土长香港人嘅传承”
“以后唔叫佢万刀甲了,佢真系好劲,40几岁为依个社区做实事,仲挑战到世界纪录,方力申真系唔简单!”
“至少结咗婚生咗仔嘅佢,成个人都改变咗,以前觉得佢嬉皮笑脸,而家做好多嘢都系为公益,而且佢又系1个好爱锡家庭嘅人,都戥佢好开心”
“我感觉佢踏实咗,同好家庭为先,真男人”
“以前系‘假㗎啲奶’(编按:无线电视(TVB)节目《美女厨房》中的经典金句),而家系‘坚㗎方力申’”