郭富城罕有训示Fans　劝保持距离支持：唔系跟住我就代表钟意我

数个月前，张家辉在谢票场后向Fans“训话”，指有Fans要求自己签名等等，当他做不到便发狂，他说：“如果有啲时候我真系签唔到，你唔好咁极端，知唔知道呀！知唔知？我唔想听你𠮶啲你睇过我咩嘢，我要你知道你自己咁大个仔，唔好咁样，知唔知呀！人家话做唔到你啲嘢，你就发狂，唔可以咁样㗎嘛！我哋喺社会做嘢，成日都会碰到一啲唔如意嘅事，唔可以一啲唔如意嘅嘢，我哋自己就呀！呀！呀！咁样唔得㗎，系吗？明唔明白呀？”他苦口婆心向Fans讲经，获网民大赞。

而郭富城近日出席主演电影《无名指》谢票场时，亦有乘机教育Fans，认为Fans都应该比以前成熟，他说：“等于有啲Fans佢哋成日跟住我，话‘阿王呀！我好细个就同你影相……’唔系咁就代表你哋钟意我，我知你系铁粉，唔使㗎，我知道㗎，真系，我知道嘅，有时你做得太过过激嘅时候我会仲惊，啱唔啱呀？我觉得大家会尊重大家，我知道你远远（讲）‘Aaron，加油！’够㗎喇，唔系𠮶啲‘Aaron，跟咗你好耐呀，你帮我签个名吖！’唔使嘅，我觉得我啲fans，大家要慢慢开始成熟。”

他希望自己与Fans能保持友好关系，同时也想见到歌迷一路成长，他说自己是以朋友心态去分享自己的想法，然后他亦表达对《无名指》的感受：“我自己睇完觉得好温暖，好似有人用只手，搭一搭我、拥一拥抱，畀我鼓励，当然我亦都系咁，我希望今日见到我啲fans，唔会行埋嚟又‘哎呀！’（揽住你哋），唔使嘅，睇完呢部电影其实就系，我赋予喺我自己作品上面嘅其实就系，电影就系咁，我希望用电影嘅语言，睇到我都继续不断努力去做自己想做嘅事。”