阿龙｜周秀娜赴泰拍戏暴晒黑过姜皓文　郑中基操肌成果：胸肌48吋

香港动作电影《阿龙》由郑中基自编自导自演、胡耀辉执导，伙拍周秀娜、姜皓文、童星傅舜盈主演，千呼万唤之下今日（2日）终于举行首映礼，郑中基亦携同一众主演亮相与观众见面。

郑中基、周秀娜及姜皓文于《阿龙》首映礼上接受传媒访问，三位笑指电影终于上映，各自亦期待已久，周秀娜笑言：“期待咗好多次㗎喇！因为呢部戏其实都几多波折，2018年拍完、中间隔咗个疫情，上映档期又换咗几次，今日终于都上喇！”

回想在泰国拍摄过程，姜皓文表示对监仓场景汗流浃背的酸馊味印象犹其深刻；周秀娜则表示拍摄过程在阳光暴晒下变黑几度：“晒到好黑、越拍越黑！因为我皮肤好易黑，拍完第一日已经变咗当地人！”娜姐更望向黑哥笑言：“我仲黑过佢呀！化妆粉底啲色已经唔啱！”黑哥亦大开玩笑：“当地人都唔够我黑呀！”

郑中基为《阿龙》增磅操肌上阵，为保持身型必须严格饮食：“其实我食量唔系好多，𠮶时要挤嘢食落肚比较难受啲，反而要我唔好食咁多嘢容易啲。”至于谢票期间能否大骚肌肉作为福利，郑中基表示难以回复当时状态：“咪又要食返好多嘢？因为年纪大咗、新陈代谢慢咗，如果而家要操返要再多啲时间。”但郑中基亦自爆当时爆肌高峰状态记录：“当时胸肌48吋！拍咁多戏最辛苦呢套，一来每日拍完大家休息、我就要去gym操肌；二来之后仲要同剧组开会倾第二日拍嘅嘢，所以基本上每日得三四个钟瞓。”黑哥则笑言下次用电脑特技就算！

虽然自编自导自演负荷甚重，然而郑中基仍透露正筹备下一部同类作品：“因为香港好耐冇拍过鬼片，希望可以拍返一套。”但笑言不考虑到泰国拍摄：“经过今次⋯⋯唔好喇啩！我就系惊太真呀！发觉明明冇呢个演员㗎！”

郑中基今日亦就离婚官司向传媒进行公开回应，表示：“都系交咗畀律师处理。”至于儿女近况，他亦回应指：“多谢关心！佢哋几好！”有传郑中基前助手何庆湘与离婚有关，郑中基则以11字回应表示：“今日我哋都系讲返电影啦！”未有再作正面回应。