“王家卫御用摄影师”夏永康剖白影剧照好惊：见到演员唔知点影

近日陈冠希在YouTube频道“ZONED”访问梁朝伟，影片掀起不少话题，而同段影片中，他亦访问了“王家卫御用摄影师”夏永康（Wing Shya），二人于《花样年华》、《2046》及《春光乍泄》等电影合作，他在访问中亲自剖白与国际级巨星和大导演合作的秘辛。

谈及与王家卫的合作，夏永康谦虚地表示：“我帮佢打工嘅啫，未去到partner咁犀利。”他坦言，合作初期非常恐惧，因为自己根本不懂如何为电影拍摄剧照：“开始𠮶时好惊，我唔识点样影still（剧照），唔知畀咩佢，𠮶时净系好惊，见到啲演员都唔知点handle。有时睇到一场戏真系‘哗！好劲㖞！’咁你应该影边个moment呢？你又唔系净系睇人拍戏，真系要做嘢，咁我会好惊，但系日子耐咗，佢拍好长时间，𠮶时好攰，要keep住自己状态好精神，开始同王家卫慢慢熟咗，大概知道佢风格系咩，慢慢捉摸到佢要咩，呢个要时间。”

他又忆述自己是如何揣摩到王家卫的风格和喜好，原来是观察对方如何拣相，“因为我唔熟佢嘅开始嘅时候，净系睇佢啲戏，但系都唔知佢会钟意拣啲咩，慢慢由佢拣相里面学到，哦，佢钟意呢一类，咁我咪影多啲，都系partner咁啰，要慢慢交流。”

回看当年与梁朝伟、张国荣、王菲、张曼玉、木村拓哉、章子怡等巨星合作的“黄金年代”，夏永康自言是后知后觉，他表示当时只觉得抱著工作的心态，并未意识到自己正与一群最顶尖的人合作，并谓：“现场睇到𠮶啲，你唔知𠮶啲系最好𠮶啲人，后尾过咗咁多年，其实𠮶个时候，哥哥，好正㖞！（陈冠希：Golden age）但系𠮶时你唔知㗎嘛，你返工，一路都系咁样，咁样去影，原来𠮶段时间系咁好，过咗一段时间先知。”

而讲到近况，除了推出了一本菲林相集《Day / Night》外，夏永康亦透露最近为奥斯卡影后Tilda Swinton拍摄的经历，他用菲林帮对方拍照，整个过程仅得20分钟，非常紧迫，但他就觉得是很有趣的体验！夏永康说：“好professional，因为佢啱啱落机，跟住落嚟有啲talk，佢时间编得好短，唯一做法就系我要喺一个空间里面set up咗六个嘢（场景），佢一行过去就（影）， 20分钟搞掂！”他认为摄影有时候就是不需要计划太多，临场互动有时会撞出更多火花，他亦寄语一众年轻摄影师：“唔好听咁多人讲。”