葛民辉、林海峰、柯炜林与韦罗莎主演舞台剧《笨蕉大剧院》今日（7日）迎来第50场尾场，早前患上肺腺癌四期的柯炜林归队演出、精神体力状态大好，获全场观众热情支持！舞台剧完满结束后，“软硬天师”葛民辉及林海峰接受传媒访问，大谈二人成军37年的表演外，更为柯炜林能够稳定健康状况归队感到非常欣喜。

《笨蕉大剧院》连开五十场直至今日落幕，葛民辉坦言略带不舍、但仍开玩笑指：“有少少啦，可能听日庆完功最唔舍得，埋单𠮶下啦！”拍档林海峰亦表示：“出粮𠮶下最唔舍得啰！如果可以再不停咁出，会好感动、会流泪啰！”葛民辉与林海峰于1988年组成软硬天师至今，以舞台剧演出作为纪念，林海峰表示下次演出之期要视乎场地申请：“有好多人都入定纸先，入咗好多好多年都未必批到，入定先都未必会有！有场纸我哋会即刻考虑！头先YT（俞琤）都话我哋成军37年，如果批到嘅话，演唱会我哋连续做50场都得！睇下批咩场啦，如果批羽毛球场、细细哋得几个观众，我哋都照做！”但亦坦言预计难以在软硬40周年前举行。

柯炜林回归《笨蕉大剧院》为演出划上完美句号，葛民辉态度乐观表示：“剧本可能打咗支强心针畀我，风雪总会过嘅。命数嘅嘢，由天不由我。所以都感谢‘2+1’余家溢，佢喺事情发生之前已经同我哋一齐彩排、做前面嘅替身，好快尝试胆粗粗试下！”一直戴上贴有软硬贴纸的林海峰，回应时亦认真地脱下眼镜：“更加令我哋兴奋嘅，系阿Will好快就归队，呢件事可喜可贺。好多人自己或者身边嘅人都会遇到疾病，唔一定要谂到最差嘅。（脱去贴纸眼镜、认真续说）可能好快会去返正常嘅生活，最紧要生命中有事（值得）发生，有个舞台剧、剧本，如果冇嘅可能会谂埋一边。”

柯炜林今日在访问中特别感谢软硬天师的支持，更改台词庆贺他近日提名金马影帝，林海峰随即开玩笑指：“新人讲呢啲嘢，都系好虚伪嘅！佢哋系咁嘅，我哋见惯㗎喇！（刻意加入影帝关键词？）互相鼓励啦，观众又好开心，同埋𠮶场戏佢系演得好好嘅！”

早前，有传MIRROR将缺席叱咤颁奖典礼，引起镜粉们关注，软硬作为商台铁脚，未有正面回应事件，林海峰表示：“颁奖礼好多时候有啲人会嚟，有啲人会走，走咗嘅又未必唔返嚟，有时走咗又会再返嚟。”然后开玩笑续指：“冇理由一个颁奖礼，由搞嘅第一年到廿几三十年，来来去去领奖都系𠮶几个㗎嘛！”更笑言唯一不变的可能是颁奖嘉宾：“颁奖礼对于我嚟讲有啲沉重，因为真系颁咗好多年！（你亦缺席？）考虑紧呀！等你问返MIRROR！如果为大家好，我可以缺席㗎！我早就应该唔喺𠮶度！”

上月初，葛民辉于湾仔乘坐私家车期间，惊险遇上车祸，幸好阿葛与同车司机均未有损伤。葛民辉表示已找到录影证明为对方冲红灯，保险亦会赔偿意外损失，但亦笑言：“𠮶日好邪㖞，啱啱睇完‘啲打’、可能冇槛火盆啦！下次再讲啦！”