第十九届鲜浪潮国际短片节今日（20日）举行本地竞赛颁奖礼，鲜浪潮电影节主席杜琪峰导演携同副主席舒琪、司库朱淑仪及邱礼涛及曾丽芬等董事一同出席，会上颁发六大奖项，嘉许表扬今届参赛导演及主创人员。杜琪峰导演于颁发“鲜浪潮大奖”前，在台上分享指鲜浪潮近年几届均面对巨大财政压力，更特别感谢古天乐指：“古天乐先生同天下一公司帮咗好大忙，佢自己都暗中帮忙！”希望鲜浪潮能够于第二十届继续举办与大家见面。

杜琪峰导演于颁奖礼接受传媒访问，表示今日率先观赏到获“鲜浪潮大奖”作品，笑言习惯颁奖后逐一欣赏得奖作品，形容作品整齐、讯息鲜明，但仍未突破对新导演创作方向预期：“点可能突破？同叫佢整原子弹一样咁难！距离都远嘅，但至少佢最少有Heart，佢相信佢自己、喺佢嘅作品表达到出嚟。”至于筹办鲜浪潮的财政压力上，杜Sir笑言希望明年第二十届能够盛大举行：“依家扑紧水啰！希望曾经参与、攞奖嘅人都可以嚟。（预算？）有多搞多、有少搞少，但唔会低过100万！”

爆古天乐默默为鲜浪潮付出：我哋畀钱、佢转头捐返出嚟

颁奖礼上杜琪峰特别多谢古天乐，访问时亦透露古生为鲜浪潮不为人知默默付出：“一路以嚟我哋请佢公司帮手做嘢，我哋照畀钱、佢转头捐返出嚟，一路都咁支持！”形容世道艰难，但目前预计仍然可以多办数年：“我去年都讲过，点都顶到我80岁，依家70岁啫，顶唔顺嘅话就唔好意思喇！”至于今年中《PTU》重映并将收益一半拨入鲜浪潮，杜Sir表示要视乎时机：“社会不断变动，今日唔知听日事，我人生旅程一直觉得万物有时，必然嘅！有时努力，有啲嘢唔得就唔得！但我系抱住希望嘅！”

杜Sir每日忙做一件事　与Anson Lo新戏三年仅拍10日：要尽快拍完

杜琪峰受访时亦谈到个人作品未来计划，笑言生活懒惰：“我拍咗部戏3年，都只系拍咗10日！要尽快拍完部戏，日日沤喺到都唔好意思，大部份时间都喺到喂雀！”杜Sir口中所指的作品正是与MIRROR成员Anson Lo卢瀚霆合作的电影，表示就算近日较忙碌：“要拍完㗎喇，要尽快拍完！”

杜Sir突改口风未与梁朝伟日本开戏：我冇讲过呀，你哋觉得系啫！

至于早前有消息指杜琪峰将与梁朝伟合作，远赴日本拍有关黑帮的电影，杜Sir今日竟一转口风表示：“我冇讲过有同伟仔合作呀，你哋觉得系啫！未系好清楚嘅嘢嚟，有机会同伟仔合作梗系好啦，我都好希望！睇时机啦！（有意在日本拍？）未知，写好剧本先啦，依家剧本都未有！”笑言自己经常写剧本，但写好却不开拍：“写好嘅成日唔拍，唔写嘅剧本又拍咗，好奇怪，唔写好过写！”存货更已累积十个八个。

相继送别冯淬帆许绍雄　杜琪峰：又会前后脚嘅，佢哋好老友

早前冯淬帆与许绍雄相继离世，杜琪峰分别于台湾及香港出席告别式送别两位好友，感叹道：“佢两兄弟真系……又会前后脚嘅，佢哋两个好老友。”杜琪峰表示入行无线电视已认识二人，亦忆述对冯淬帆的印象：“阿紧喺我入行嘅时候佢已经做导演，虽然电视冇太多嘢畀佢搞，但佢系好严谨嘅一个导演。有幸当时去到台湾，我一定要去（送别）。”杜Sir与许绍雄合作更长久与频密，再叹指：“唔知做乜走得咁快。佢人生咁精彩，我觉得冇乜所谓嘅，但突然啲啰。”