电影《寻秦记》上映已经一个月，票房亦达至8000万，不过身为总监制及主角的古天乐，依然马不停蹄做宣传。日前便去到叱咤903，少爷占及阿奴主持的《圣艾粒LaLaLaLa》，被问到今次有不少新加盟的演员，当中咩原因吸引他拣蔡一智演忠臣万良一角？古生讲到其中一个原因原来关头发事。

对于拣蔡一智的原因，古天乐首先觉得阿智个样其实几古装。“啲头发已经自己搞掂啦，唔使Gel头，好真嘅一样。”不过更切合的原因是其特质跟角色相似。“个角色系个好思缩嘅人，佢有呢种感觉。又忠心，好有呢个感觉。”

而向来出名主动出席谢票的古生，问到点样先可以邀请到他现身？古生就讲出一个必胜法︰就系你要识得古妈妈。古天乐︰“𠮶日阿妈生日，佢同我讲‘我有10个朋友包场，你可唔可以10场都同我去谢晒票？’我话︰吓！10……10场？”虽然冇再讲下文，但向来孝顺的他，应该呢10场都冇走鸡。