贺岁片《夜王》早前攻破1亿票房，昨晚（9日）导演吴炜伦与“欢哥”黄子华、“V姐”郑秀文、廖子妤、卢镇业、何启华（Dee）、杨偲泳（Renci）、谭旻萱（Mandy）、李芯駖、林熙彤去尖东派鱼蛋。《夜王》已是黄子华第三套破亿票房的电影，他受访期间被问到日后拣剧本会否更难，表示：“其实我一路拣剧本，都冇乜特别嘅谂法，就系我觉得好睇，我睇剧本嘅时候当自己睇紧套戏咁，几好睇㖞，咁不如……有份做就最好啦，咁样样。我觉得好睇咪做，唔系好多谂法，冇得谂㗎个票房，可以梦想。我觉得香港票房个低谷，个floor，我试过，但系喺顶，（记者：你都试过！）No！系未有呀我觉得，我哋香港人应该怀住咁嘅信心，我哋香港嘅票房可以更加高，大家一齐努力！”

夜王｜18+导演版上映意味Renci性感镜头解封？吴炜伦：唔净止佢哋

《一蚊鸡保镳》传重映　子华亲证听闻有人买旧作重映

子华过往都曾自嘲昔日是“票房毒药”，但其实他有一些低票房电影，如：《一蚊鸡保镳》，是不少人心中的神作。问到会否考虑重映这些“低收”作品，子华透露：“好坦白讲，我听到消息有人买咗嚟到做㗎。（问：会公映？）我听到呢个消息，唔知有几多成真，但系有听讲过咁嘅消息。”至于今年稍后时间会否再拍新戏，子华就指暂不能透露：“又未讲得住，而家主要等紧庆功，我哋《夜王》仲未庆功，我等紧呢样嘢已经系一个里程碑。我最期待都系无非好似上次咁，大家饮到咁上下，‘喂，嚟紧又拍咩呢？’谂到多啲新嘢，上次有《夜王》都系咁样，大家饮多两杯乱噏而开始，希望嚟紧V姐喺度一齐乱噏吓。”

三大笑匠食饭惹回忆杀　子华亲回重组《须根Show》可能

此外，日前子华跟两位好友吴镇宇、张达明聚头，令网民勾起《须根Show》系列的集体回忆，期待三人再合体。子华笑言：“我都吓一跳！几个傻佬食餐饭咋嘛，点解咁多报道？咁须根Show呢大家都系……”之后就唱起神曲《做个文明中国人》的“长江～黄河……”再续说：“哈哈，系几好笑，希望大家健康啲先再讲呢个题目，我哋食多几餐饭谂谂佢！”