翁子光日前（13/4）出席电影《超风》首映，席间他大赞参演的演员演技好，亦指《超风》题材独特，值得一看。翁子光和参演演员邓月平接受《香港01》访问，翁子光少不免被问道《金多宝》票房，他即耍手拧头，十分无奈，直言：“而家金多宝票房有一千六百几万，当然系差过预期。”

忧单一化扼杀生存空间

他续说：“当然又唔系好差，等阵间啲人话我讲风凉说话，但系我喺度真系想呼吁，香港电影有好多唔同作品，特别而家有《我不是什么》邱礼涛导演嘅，同埋《再见UFO》，当然仲有好多，我真系好钟意。香港电影应该有一啲唔同嘅budget同埋题材，一啲唔同scale同演员阵容出到嚟。我知道有好多结构性问题，好多争议，我唔系话牌匾嘅问题，因为唔同牌匾然后将我的压死。”他说道，早年香港有不同院线会有不同的电影上昼。“当然唔同公司梗系排自己嘅戏，但系问题系，整体长远讲，系要令工业入面多啲唔同嘅戏，唔可以令到某啲戏拍都唔敢拍，一年只系睇几部戏，咁香港电影就非常之唔健康。”金多宝︱翁子光多次为排片申诉　田启文：唔好剩系天地、畀返人间

票房破纪录却不断执笠

“我觉得而家情况好特别，你见香港电影票房好好，但系过去几年不断破纪录，但系香港电影不断执，点解会咁呢？我觉得大家咪一齐思考吓，同一齐努力啰。我成日都话，讲多都系无谓，虽然我近排讲得多，但系拍出嚟电影就系咁，大家一齐睇。”金多宝︱翁子光申诉排片终极回应　叹人微言轻：影圈三流打工仔

《金多宝》投资难回本入肉：唔好再提目标啦

票房千几万，是否离目标有段距离？他即说：“已经唔睇个目标啦，唔好再提目标啦。今次投资电影已经唔会回本，但系就⋯⋯（入晒肉？敢唔敢再嚟？）敢呀，我要支持何晋天拍下一部电影，但系都要，目前打吓工啰，细佬我导演费都唔低㗎，咁就打吓工拍啲嘢啰。（储吓钱先？）储少少啦，你睇吓Herman（邱礼涛）储几耐先拍。”谈到拍戏成本，他直言就算电影业艰难了，但成本不减反涨。金多宝｜网民暗寸票房差赖地硬　翁子光本尊现身回应礼貌不失幽默

跟黄子华合作讲求缘份

既然黄子华的《夜王》大收，有没有想过揾黄子华“帮手”？毕竟现在他是票房保证。翁子光回答：“我哋有倾过偈，但系要讲缘份。（唔可以单方面）系呀，当然我有好角色当然求佢啦。”他举例，试过在路上遇见一个很适合的小朋友，想揾邀请他出演，但最终未能成事。他指出，有时揾一个适合的演员，难过登天。“我成日都话演员好Frustrate（气馁），就系觉得导演会唔会揾我做呢个角色呢。其实导演揾人做都好Frustrate（气馁），大小角色都系。当然揾到（佢）系一个wish list。”黄子华闻说有人买低票房旧作重映　被问再搞须根Show机会冇Say no

拒视黄子华为“救命草”：佢唔系我契哥呀大佬

记者提出，如果商业片就一定要商业化，那么黄子华可能就是最佳人选。翁子光回应：“喂大佬，我自己都要争气，你唔可以靠人哋㗎，系咪先？大佬，你自己蚀钱就揾黄子华攞嚟救命，大佬佢唔我老窦，系咪先？佢唔系我契哥呀大佬，都要努力啰，但系我好开心嘅，你睇住黄子华一路自己点样建立自己品牌，一路成为一个咁好嘅演员。（佢一开始好多片都比较⋯⋯）系呀，但系我哋系咪希望唔止一个黄子华呢？亦希望多啲唔同新一代，我哋会去睇邓月平嘅戏，我会睇边个嘅戏。好似我头先见到AK（江𤒹生），佢拍《我们不是什么》都做得好好，所以我觉得电影系需要咁样。如果做咩啫喺度，净系讲一样嘢，大家就⋯⋯讲嘢净系讲一句说话，睇嘢净系一样嘢，咁成个社会点样继续落去。”

Q：翁子光执导的《金多宝》票房收几多？回到本吗？

A： 目前票房约 1,600 万港元。翁子光坦言低于预期，今次投资“唔会回本”，甚至形容是“入晒肉”，他目前需靠“打工”拍其他作品来储钱支持下一部戏。

Q：点解翁子光唔揾“票房保证”黄子华拍戏救命？

A： 翁导认为拍戏要讲缘份，虽然求之不得，但他强调电影人要“争气”，不能事事靠人救命。他更幽默回应黄子华并非他老窦或契哥，业界不应只依赖一个黄子华，需培养更多新一代演员。

Q：点睇香港戏院一边破纪录、一边猛执笠？

A： 翁子光形容这是“值得思考”。他担心电影题材过於单一化（只看几部大片），会扼杀中小规模电影的生存空间。如果观众一年只看几部戏，对整个香港电影工业是非常不健康的信号。