我们不是什么｜彭秀慧客串水吧有学师 搭的士不忘向司机推介部戏
电影《我们不是什么》由江𤇹生（AK）、陈毅燊主演，邱礼涛执导，上映个多月后，票房迎来1000万。电影团队为此特别返到电影中，江𤒹生饰演的晖仔担任伙记的茶餐厅，而彭秀慧及骆振伟就客串做水吧，至于谭耀文就舒舒服服做食客。
电影团队为庆祝票房破千万，专诚拉大队返到电影中，江𤒹生饰演的晖仔担任伙记的茶餐厅举行活动。（许育民 摄）
是日活动，彭秀慧及骆振伟会客串做水吧，至于谭耀文就舒舒服服做食客。（许育民 摄）
我们不是什么｜AK江𤒹生留须扮伙记 邱礼涛望同每位演员再合作
彭秀慧一早到学做水吧︰“做啲自己唔擅长系最好玩”
为做个出色的水吧，彭秀慧专诚早一点到，跟水吧师傅学冲奶茶︰“冲奶茶最难，要焗一焗啲茶，然后撞茶，再落奶，我觉得好好玩，因为做啲自己唔擅长系最好玩。”问到仲想担任甚么岗位，彭导跟骆振伟都想当楼面，因为想同客人接触。骆振伟︰“好想学识写单，写到厨房睇唔明。”彭秀慧都立即谂“陈皮鸭腿汤饭”到底要点写呢？
水吧冇咁忙时，彭秀慧会负责埋𢳂例汤。（许育民 摄）
问到票房如果到1500万，就可以去番戏中谭耀文与彭秀慧的主场，“五月花”烧烤场庆功，大家要如何再力谷票房，彭秀慧就分享今日跟导演邱礼涛坐的士谢票的有趣经验︰“因为我哋都赶时间，就叫司机开快啲，司机以为我哋赶睇戏，就问睇边套？我反问佢最近有冇睇过边套香港电影，佢就话好少睇戏，最近都系睇咗《破‧地狱》，我就建议佢睇《我们不是什么》，话好好睇。佢问边个导演，我就喺导演面前同司机讲︰‘𠮶个邱礼涛啰！’”明显司机不知道车厢中人就是邱导。
彭秀慧向的士司机介绍邱礼涛导演︰“男人嚟嘅，好长头发。”而当刻，邱导正在司机面前落车。（许育民 摄）
未及向的士司机推介《的士判官》
到落车时，彭秀慧再问司机︰“你真系唔知边个邱礼涛呀，男人嚟嘅，好长头发。而就喺呢个时候，邱礼涛就开门落车。希望最终呢位司机有睇到部戏，有睇到呢个访问，发现‘𠮶个邱礼涛’其实一直喺佢架车度。”记者问到可有介绍埋导演另一部旧作《的士判官》畀司机睇？几位都即时大笑，骆振伟更笑称听到可能就唔睇喇！
问到可有介绍埋导演另一部旧作《的士判官》畀司机睇？几位都即时大笑，骆振伟更笑称听到可能就唔睇喇！（《的士判官》影片截图）