CHIIKAWA电影《剧场版CHIIKAWA人鱼岛的秘密》昨晚（4/8）举行首映，现场除了有3位主角吉伊卡哇、小八、兔兔及同大家见面，仲有今集的新角色岛二郎及赛莲亮相，亦是首次在香港同大家见面。而大会亦邀请多位嘉宾出席，其中包括一直钟情CHIIKAWA的李蔓莹（Renee）。

Renee李蔓莹表示向来都钟意CHIIKAWA，由推出不久已经迷上。“我当时已经有睇佢动画及漫画，最我钟意系小八，头先都先买咗个环保袋，用嚟战利品。”基本上每有新造型，Renee都定必入货。“屋企可能有超过100只，屋企买晒展示架摆出嚟。”

早前梁敏巧获朋友赠老翻货，一时之间都难以分辨，虽然Renee都算个超级粉丝，但都坦言难一时之间分真假。“除非好明显有唔同，有啲做到好专，要去靠个纸牌或条链分辨真假，我就未去到。”男友伍允龙都知自己钟意小八，但都唔敢立乱买嚟做礼物，事关Renee追新品追得好快。“我叫佢千祈唔好买，惊会重复。”

早前，Renee与李静仪（Heidi）一同畅游葡萄牙８天，连日来都冇嗌交，证感情增进不少。而返港后，更一齐开Podcast做节目，分享自己的价值观，以及8日葡萄牙之旅。有网民指，第一集影片上，Renee镜头甚少，有很多潜力画面都点到即止，或用其他物件阻挡，觉得Heidi有“机心”，Renee就唔认同。“我哋听晚（5/8）会出第二集，新一集会亲自回应呢个问题，会拆解下到底我同佢边个耍心机，定系将心机放晒落制作条片度。”