田启文早前凭电影《双囍》赢得《台北电影节》最佳男配角，成为他从影47年第一个演技奖项。今日（29/8）他又在《韩国最耀眼香港之星颁奖典礼2026》中，夺得最耀眼性格演员奖。田启文接受访问时也表示欣喜，并希望奖项愈多愈好。

不介意迟来的奖项　“唔同嘅花都有唔同嘅花期”

对于要等足47年才获认同，田生没有太介怀︰“可以畀更多年轻人知道，唔系一出道就拎奖，唔同嘅花都有唔同嘅花期，我系执个尾彩。”首度获奖后，田生冇打算加片酬，只希望有机会多拍两部电影。“大家终于知道我除咗拍喜剧，仲有其他角色啱做，都唔会好拣择，唔太离谱都会接。”

今届金马奖宣传片，田生亦获邀跟今届大会司仪柯炜林拍短片宣传，他对此亦感到意外。“张震今年一做主席就揾我，我哋未合作过，最多都系电影节见下面。”至于会否出席金马奖，就要等10月1日公布入围名单再定夺，但就表示对自己有信心。

周星驰主动约食饭　“佢日理万机仲记得曾经一齐嘅师兄弟”

早前，《少林足球》一班师兄趁大师兄黄一飞生日，一同聚首，田生表示好耐之前已经想搞，今年终于成功。“先系黄一飞生日，第二日就到小龙（陈国坤）生日，都有叫星爷，但佢做紧宣传唔得闲。直至早两日佢主动再约又食多餐，今次佢请添。”有传上次已经是星爷埋单，田启文澄清︰“上次系星爷家姐嚟到想埋单，但因为飞哥生日，所以系飞哥请。”

问到为何今次未有合照公开？田启文︰“冇人有意欲影相㖞，只系挂住倾下有冇咩计划揾下钱，佢都好关心大家有冇工开，最近身体点如何？佢牵头帮我哋谂一啲生计，有呢个心好好，咁念旧呢样嘢系好难能可贵。佢日理万机都仲记得曾经一齐嘅师兄弟、手足，我自己当日都好感动。”至于最新合作会是甚么，田启文未有透露︰“一定唔会系《少林足球》2、3，冇可能！”

星爷疑受达哥影响珍惜朋友？　“我觉得佢醒喇”

有记者问到这次《少林足球》师兄弟聚会，已故的达哥吴孟达未能参与会否可惜？田启文觉得这正正是可能触动星爷的地方。“我觉得佢醒喇，趁人齐快啲约食饭，唔系一阵又走两个先叫食饭就唔系几好，我好欣慰呢样嘢，趁大家仲健康聚多啲，佢谂通咗。呢样唔系我擦佢鞋，呢度都正式澄清一次，成日话我同佢不和，又揭佢疮疤，完全冇咁嘅事，有啲友仔乱咁写，我同佢仲好Friend。”

不过田生都笑称，初初听见周生约食饭，都有少少担心︰“系咪想诈型，结果一啲都冇，仲叫大家快啲揾啲嘢搞。”有记者提议不如由星爷亲自拎几千万出来打本，熟知周生性格的田启文就一语道破︰“你问佢都知道（结果）啦，叫佢牵头发功好过，你唔好打佢主意喇，盏自己踢铁板。”