由香港影视界庆祝国庆筹备委员会筹办，紫荆文化集团荣誉支持的《庆祝中华人民共和国成立77周年招待会》，昨晚（28/9）隆重举行，电影监制田启文都有出席。近日田生接受网上节目《一Pair倾》访问时，提到在周星驰成立“星辉”时，李力持曾以齐脚为由，婉拒他加盟，直至得悉是周星驰亲自叫他来返工，立即180度变脸，还赞“深庆得人”（深深感到庆幸，能够得到合适的人才），不少传媒及网民转述访问时，都直指李力持双面人，但田生受访就澄清对方非双面︰“佢八面玲珑讲少咗倒人米呀！”

当时在访问中，田启文谈到加入周星驰公司“星辉”，但上到公司时，李力持却冷淡道：“咦，我哋埋晒班啦㖞！有个唔知乜嘢嘅打杂……都未有人，不如畀你做啦！”怎料星爷从后现身，搭著田启文膊头撑腰︰“佢系我叫嚟帮我嘅。”李力持得悉后，立即180度变脸夸张大喊︰“哗！深庆得人啊！哗！我哋鼓掌啊！”场面尴尬又搞笑。

指李力持点止双面　“佢系多面，八面玲珑”

田启文对此，特别向传媒澄清︰“我同佢关系好好嘅，只系主持问起我就讲番呢件事。当时确实系埋晒班，佢就问我嚟做乜？咁样写佢双面人，佢假假地又导演又演员，点止双面呀，多才多艺，净系讲双面就倒人米啦，讲少咗！佢系多面，八面玲珑，要讲清楚唔系以为我唱佢。”至于访问出街后，李力持可有致电田生？“冇，佢胸襟仲系好广阔，大家都仲系好好朋友会互相问候。”为何田生特别记得“深庆得人”这四字词，他表示呢个表达印象好深，所以一直都记得。

贺岁片赶拍见业界有起色？　“都需要观众支持”

提到来年贺岁档，有几部电影正在开工赶拍中，田生可有觉得业界正走出谷底？“观望中，希望快啲揾到突破口。有贺岁片都需要观众支持，否则净系拍冇人睇都唔系我哋想见到嘅。大家的起心肝做好啲，观众又多啲入场支持下，等投资者有番信心继续投资。”

而田生担任监制的纪录片《非遗‧壹》，早前已于9月中旬起推出优先特别场，并于10月正式公映。电影历时四年制作，拍下香港这弹丸之地，藏有多项非物质文化遗产的工艺，好值得香港人支持。