周星驰电影孕育出不少经典角色，在《食神》（1996）入面，叫“好好味呀！”叫得好硬好假的“杨师傅”，本身是电影副导演陈志成，不时有客串幕前，在《咖喱辣椒》中也以“大麻成”一角跟星爷同场。早前，成哥去到YouTube频道《威哥会馆》接受访问，提到拍《食神》时，原定八两金饰演“杨师傅”一角，但星爷就点名要陈志成演。期间合作都算愉快，惟独去到拍被“食神”训话，要“含住啲烟头企喺角落头”一幕，星爷在用毕道具烟头下，转用真烟头上阵，最后更只给予500元酬劳，就令成哥大感侮辱不满，最后为保尊严拒签收，不欢而散。

鸣谢︰威哥会馆

缘起《咖喱辣椒》　星爷︰大麻成，我记得系你喇！

成哥陈志成，是圈中的副导演，参与过不少作品，而跟星爷的渊源就由《咖喱辣椒》（1990）开始，电影由柯受良做导演，成哥既担任副导又客串“大麻成”一角。去到《国产凌凌漆》（1994）剧组任副导演，星爷第一日开工便望实成哥但冇出声，直至去到第二日。“佢突然大力拍我膊头︰‘大麻成，我记得系你喇！’”原来星爷一直对成哥有印象，但未想起何时合作过。“之后午饭就叫埋我一齐食，唔使食饭盒。”

原本薛家燕做庙街算命师　杨师傅由八两金演

成哥在访问中讲到原定《食神》杨师傅一角，是由八两金饰演，但不知为何周生指定要他演，更是开拍前一日立即度戏服。对于星爷的执导手法，成哥坦言不太清楚想要甚么。“拍足廿几Take，冇讲有咩要改进，就系不停拍，佢要你畀嘢佢，佢都唔知要咩。”不过好多镜头，往往又会在NG片段抽出，例如八两金在讲“沟埋嚟做濑尿牛丸吖笨！”，最终就用了NG片段出街。

除了用NG片段，部分戏份甚至拍完都可以再作大改动。例如《食神》中庙街算命师傅苑琼丹，原来本身是薛家燕饰演。陈志成︰“《食神》都系我做副导演，本来家燕姐做算命师傅，大致情节已拍完，系争一啲近镜要补，有日周星驰见到我拍就行开，但未拍完，我要赶住去第二部戏开工，冇跟到尾，最后入戏院睇，先知改由苑琼丹演。”

星爷用真未熄烟头塞落口　“你使唔使咁过份呀？”

《食神》都算周星驰多部经典中，数一数二的作品，但成哥坦言拍摄时并不开心，触发点就是被“食神”训话，要“含住啲烟头企喺角落头”一幕。“本来有预备假烟头，但NG太多用晒，就叫人点烟食烟，结果有啲仲未熄，就塞落我个口度，你使唔使咁过份呀？系咪过份咗，拍戏之嘛大佬，唔系杀人，我都唔敢出声，唔敢嗌痛，拍咗十几Take。”

成哥回忆为《食神》开了5、6日工，最后到发薪水时，就令他怒火中烧。“最后你知唔知畀返几多人工我？500蚊！”当时田启文负责处理财务，他即时向田生表达不满。“我话田老板，我拍咁多部戏，一日都唔系呢个价钱啦！佢话当我系工作人员，你咁糟质我唔好话当工作人员啦！500蚊我直情唔会签收，你唔好畀我，你畀剧务拎去买汽水饮晒去，我当冇收过呢个钱。”

成哥愈讲愈激动︰“真烟头系咁塞落口度，你话庆唔庆？我冇应承你做，我系嚟到现场你话拍我就拍，你唔好当我布景板，我有对白，行规讲对白要畀返足个数，你畀5嚿水我，要我签名，你侮辱紧我呀！”

做副导星爷都有说话︰你收好贵㖞！

成哥更表示当年拍《五亿探长雷洛传》，做演员一组戏至少收2000元。“当日场戏由朝坐到晚，都未拍到我，临收工先拍到少少，一共开咗5组，收工时收咗2万蚊。你夹硬要我收呢条数，唔系钱问题，系侮辱紧我，我唔系第一日拍戏，唔系喺后面行嚟行去，我停咗机继续做返副导演工作。”威哥再追问当时的导演费有收足吗？原来都有小插曲。“周生走嚟同我讲过一句说话︰‘你收好贵㖞！’我当时收3万5千蚊，第二个剧组都系一样，唔系好多，我返大陆拍电视剧，收5万，仲未计有津贴，仲有架车有司机畀我。”