艺人汤怡早前被网民拍到，身穿美容师制服午膳，后来回复《香港01》时，表示自己一直对美容有兴趣，“觉得学多样嘢都冇坏啊！”今日（6/10）汤怡出席《拾荒法师》首映礼，澄清自己非“打多份工”，只是参观朋友间公司，看看有冇投资机会。

当记者问到汤怡最近是否打多份工？汤怡便澄清：“唔系打多份工，刚刚陈家乐见到我都问我搞乜？我只系上朋友间公司睇下，佢想叫我投资，但我对呢方面一啲都唔认识，所以上去参观吓，睇吓一间美容院点运作。”

至于点解会换上整套制服，汤怡解释：“因为当日自己著咗浅色衫，同埋要睇成日，惊整污糟自己件衫，就换咗套制服会方便啲。”当日否有学到一招半式？“学都未学，始终第一日唔敢乱嚟。”至于有冇机会成事，汤怡就觉得始终系一门生意，要再了解多一点。“好似整饼，我都要学识整饼先敢去开自己嘅舖头。不过无论男士女士，都钟意扮靓，所以系好有潜力。”