电影《善男信女》昨晚（27/10）举行首映，余香凝伙拍《双囍》中的“爸爸”田启文一同出席，虽然两部电影双双入围金马，余香凝跟钟雪莹更会在“最佳女主角”奖上决一高下，不过余香凝都表示对《善男信女》有一份期待。“金马宣布入围一刻，钟雪莹、杨伟伦、彭秀慧同导演等等都一齐入围，我劲期待睇呢套戏。我唔会视系竞争对手，大家系同行者，一齐参加一个盛会。”

问到对奖项可有信心？余香凝立即将波交畀入围最佳男配角的田启文︰“我对我老窦有信心！”田启文︰“好多人都咁讲，顺其自然啦，有就锦上添花，冇就继续努力，又唔好咁老定。”不过田生都坦言在台北电影节摘下男配角后，确是有个底，信心强了。余香凝更追问田生可有Keep Fit为拣战衣做准备？“都Keep咗啲。”田启文说。

近日有传，尘封12年，由郑中基执导，黄子华、郑中基、陈法拉主演的《神秘宝藏》，正式易名做《我不是张保仔》，似乎上画有望。有份参演的田启文就表示未收到最新消息。“我都唔知，话上画我都唔知几时，所有都市传说全部都蒲番晒出嚟，唔会再有，都冇乜戏，大家有得睇就快啲去睇。”自己可有率先看过该片？“睇咗少少，做配音时有睇过，唔知而家执成点。12年前拍，都唔系好记得，做咗咩都唔记得。”