大埔宏福苑火灾独立委员会今日（19日）举行首场听证会，第一节刚于下午1时完结，会上独立委员会首席代表大律师杜淦堃表示，全部保障生命的消防措施因人为因素彻底失效，又在会上播放多段片段，包括宏昌阁闭路电视等，重组起火过程。

出席听证会的居民何先生坦言在会上听到录音和片段，感到心痛，他指大火原因好大机会是有人食烟，而物料和消防设备不合规和失效都是导致168人身亡的成因，他批评政府和承建商均有责任：“点解焗住要大维修？政府监察系责无旁贷，佢哋提出咁大的project（项目），由得承建商全部都系“打笼通”、围标嘅，政府管唔到，责任又推返喺业主委员会度，点搞呀?！”

宏仁阁居民何先生听完第一节听证会，在会场外说：“工人食烟嘅机会非常之大，应该系工人为咗方便闩晒（警钟），大部份都闩咗，除咗宏仁、宏新曾经响过，其他全部都失效。”他坦言在会议中见到闭路电视，大量浓烟涌入走廊“好心痛”。

他又指，工人食烟的问题早已有居民设诉：“呢样嘢好耐投诉，25年7月搭棚无耐，有人食烟，好多片影到。”他续指：“我哋怀疑系食烟，而家证实系食烟，原因我哋都知啦。”

何先生期望委员会可以找出事件真凶：“承建商一定系啦！但政府部门有冇责任呢？会唔会咁深入呢？我都期望。”他指会上播出多条片段，包括“影到食烟、啲烟攻后楼梯、大堂、啲人尝试救火，啲消防系统全部失灵，无办法打开”等；另外也有很多报案录音，他形容：“有部份消防都听唔切，打入去4分钟都接唔到，消防系统系咪唔足够呢？”至于有指起火10分钟，现场工人也没有报警。何先生估计，可能工人不知道严重性。

居民批承建商要负最大责任　因物料不合规格

何评断承建商要负最大责任：“直接系承建商，因为用嘅物料唔合规格，棚网烧得咁快、仲有系生（窗）口，啲木，搞到成个走火通道都系烟，死得人多就系呢个原因。仲有发泡胶封窗，烧埋室内。”

政府监察不足责无旁贷

何先生亦认为政府责无旁贷：“唔只承建商，整个过程，点解要做、焗住要大维修呢？政府嘅监察系责无旁贷，佢哋提出咁大嘅project（项目），由得承建商全部都系打笼通嘅、围标嘅，政府管唔到，责任又推返喺业主委员会度，点搞呀？政府必须向全香港、宏福苑居民道歉，李家超要鞠躬道歉，佢代表。”

另外，何先生又批评听证会网上预约失败：“（会场）一半空位，好多网上登记唔到，嘥气呀个政府，整个咁细嘅hall（场地）。好多想嚟听，叫啲老人家点登记呀？要改善啦！”