大埔宏福苑火灾独立委员会今日（19日）举行首场听证会。有出席听证会的居民何小姐表示，批评承建商宏业及市建局均有责任：“因为系市建局推呢个宏业出嚟嘅，点解出咗事之后，市建局系一句说话都冇讲过？跟住好快就将佢哋落咗架。”她又指，曾经见过有烟头，其他街坊亦向各部门投诉，但亦不获受理，“你哋都睇到个结果系点啦，如果唔系点会搞到可以火烧七层楼咁夸张呀！”

另外，居民李小姐就认为政府部门是“环环相扣”，彼此都有责任。她续指，在会上听到承建商采用不阻燃棚网，认为“为咗赚钱赚到尽，好冇人性。”又批评政府安置方案差，实质只有一个选择，逼他们到死角。

居民斥市建局评宏业100分亦有责

宏盛阁居民何小姐听完下午听证会后，在场外批评承建商有很大责任，她指出巡查结果一直显示为合格，但结果却发生悲剧，“即系你点可以巡查出嚟嘅结果，系同而家出嚟嘅结果系唔同，呢个承建商一定系好大责任！”

何小姐又指市建局亦需负上责任：“市建局都有好大一个责任，因为系市建局推呢个宏业出嚟，佢亦都畀到100分佢哋嘅。点解出咗事之后，市建局系一句说话都冇讲过？跟住好快就将佢哋落咗架。”

早有街坊投诉工人食烟　最终仍酿悲剧

她续指，工人食烟问题街坊亦有早已有投诉：“好多街坊去各部门投诉，但系你哋都睇到个结果系点啦，如果唔系点会搞到可以火烧七层楼咁夸张呀，系咪先？”她续称，合安管理公司方面，亦无联络过居民。

闻宏业要求不订阻燃棚网　居民斥：好冇人性

宏泰阁居民李小姐就表示，政府部门是“环环相扣”，彼此都有责任，而在会上她看到证据时，仍感到难过，“父母遗物𠮶啲，听完啲证据呀，同埋睇返佢哋𠮶啲嘢，心入面都好难过。”

对于在会上听到宏业要求不订阻燃网，她坦言：“为咗赚钱赚到尽，好冇人性。”而当时其他在公众席的居民亦感到“好荒谬”。李小姐续称，最希望听证会可以还原真相“希望可以畀到一啲死去嘅灾民一个公义啰，同埋佢哋真系好冤枉，如果系违规啊，我谂系一定要负上法律后果啦。”

她又指，政府安置方案很差，是将他们逼到死角：“望埋去好似好多方案可以拣，其实实质就冇得拣，真系唔拣就会死㗎喇！”李小姐表示，现时最希望是可以上楼检走遗物“最大嘅期望就希望可以攞得返先，就算攞唔到都上去望下，即系同间屋作一个真正嘅道别。”