大埔宏福苑五级火灾造成大量伤亡，居住在宏福苑对面、一路之隔的广福邨广礼楼居民，不少人至今心情尚未平伏，不开心情绪慢慢涌现：“个心都好唔舒服”；有人目击火灾后彻夜难眠。街坊希望时间可以冲淡一切，“唔发生都发生咗，唯有寄望政府会查个水落石出，还死者公道。”又称“有一日见一日，要珍惜每一天。”

有每天都乘巴士的居民就直言，“而家如果有车搭，我都好心噏！”因为由广福邨驶出后第二站就是宏福苑，现在整个站却突然无人上车，“直情冇人上车呀，𠮶7座烧晒呀！”她叹谓虽然大家各不相识，但平常见开的面孔忽尔消失，都会好“心噏”。有居民就鼓励灾民要坚强面对“生者要坚强，逝者一路好走。”

居住在广礼楼的陈太表示，事件发生后，幸好认识的朋友均平安，但直言心情未平伏，“我而家都唔开心，因为系同一条邨住呀嘛，但我识嘅人就全部都冇事，全部安全，但系有两三个，间屋就冇咗啰！”

她忆述事发当日下午约3时，刚在快餐店用完餐，其后就听到有人大叫“宏福苑火烛呀！”当时她马上打给住在宏福苑的朋友，告知“宏福苑火烛，中间两行烧紧啦！”幸好该位朋友事发时在街市工作，迟了回家，避开一劫，“间屋冇咗，但系有返个人啰。”

陈太又称，虽然开头两天都没有太大问题，但现时情绪却慢慢涌现“我而家都唔敢行𠮶边，我喺呢边睇都睇唔到，𠮶个走廊就望到，头一两日冇乜问题，而家越嚟越……唔知点解情绪会自己走出嚟。”她续指，自己每日送小朋友返学都会乘巴士，指去到第二个站，即宏福苑，会有数十人上车或者在对面、街市下车，都会有人上落，但现时却突然无人上车“而家就算开返条路搭车，我都好心噏，点解突然间𠮶站冇晒人上车呢？见惯咗啲人唔见晒。”

另外，一名男街坊就称，火灾过后对心理上有一定影响，心情尚未平伏，他指“正常人都会有影响㗎啦，我住咗喺度几廿年，好多街坊唔见咗。”被问及知否有没有朋友遇难，男街坊无奈称“揾唔到𠮶啲就冇啰，有联络到几个（朋友），佢哋有报平安话人冇事，不过就喊啰，话间屋冇咗。” 又称担心失联的朋友也于事无补“联络唔到就联络唔到，担心都冇用呀，顺其自然。”他叹道：“特别系上咗年纪𠮶啲，有一日见一日，要珍惜每一日。”

男街坊续称，事件已经发生不可改变，现时只希望时间可以冲淡一切，又寄望政府可查个水落石出，他认为事件有很多不公道、不公平的地方。他亦透露，事发前日常在平台跟住在宏福苑的叔父下棋时，他们均向他称整间屋都被封住，漆黑一片；又斥承建商、装修工人态度恶劣“话唔畀钱，就唔畀佢地入屋。”

至于居民何太，就指有许多朋友住在宏福苑，火灾发生后亦觉得很不舒服，“初初都好唔舒服，我有好多朋友住喺𠮶度，我一睇到火烛，我就打电话猛叫朋友走啰！”何太指经她通知的朋友有3至4位，但打电话给他们时，他们全然不知发生火警“佢地听唔到声呀！”，当朋友接到通知后便“拿拿声”落楼，跟她报平安，她之后才安心。

何太续称，当日有警察拍门通知他们撤离，“虽然隔咗一条马路，系都惊嘅，个心都好唔舒服”，头两天更是彻夜未眠，幸得任职媳妇的关怀，现时心情平伏不少，但叹道：“唉，电视啲新闻都唔想睇咁多。”

另外，居民胡太亦同样称“唔舒服啰，个个人都系㗎啦，见到咁嘅情况系咪？，有少少瞓唔着。”她鼓励灾民要坚强面对，逝者则一路好走。