旺角太子一间药房的明星猫店长“阻B”，失踪一晚引起爱猫网民热烈关注，四出寻猫。今早（6日）“阻B”失而复得，由药房店员李先生夫妇亲自寻回带返舖头。他忆述称，由现场一带的闭路电视所见，锁定是一名女子抱走“阻B”带到楼上宾馆，于是他和妻子逐家逐户拍门找寻，最终在门隙中发现猫踪。

李先生说：“佢（涉案女子）唔肯开门，我在出面。”其后警察进入宾馆调查，该名女子最终打开门，“我冲入去睇，见到只猫，就抱走咗佢”，人猫得以团聚。

李先生感谢热心巿民和警方帮手，他说昨晚（5日）9时45分发现“阻B”不见了，找寻了一段时间，已经报警。其后翻查CCTV，发现牠于9时49分被人抱入旁边的金轮大厦，并锁定在某一层的宾馆内。

今早10时半左右，李先生和妻子上楼逐家逐户拍门找寻。他说：“老婆喺门隙倒影见到只猫，我哋劝喻佢交番只猫出嚟，警察都有帮手。”最初对方拒绝开门，其后终于开门，李先生冲入抱回爱猫。

他形容：“当时只猫嘅状态系非常惊恐，瞳孔放到好大，我哋都好伤心；同埋惊佢夜晚无嘢食过，会肚饿。依家非常好彩揾番，检查过无咩大问题，今晚返去真系要装香还神。”

李先生续指，不知道偷猫者的动机：“听佢（涉案女子）同差人讲嘢，系讲广东话，唔知佢系香港人定游客，但感觉系游客，否则唔会住宾馆。佢嘅行为令我哋成家人和爱猫者无觉好瞓，同埋好伤心。”

不过李先生坦言日后仍会放养“阻B”：“我哋药房人手唔够，大家都知经济麻麻，好难有个人24小时睇住只猫。有心人装无心人，只猫系9点45分离开舖头，9点49分畀人抱入大厦，系3, 4分钟嘅事。除非我哋捉佢返屋企养，否则都好难，我哋绑佢都绑过，猫始终要自己活动空间吖嘛！”

他强调作为猫主是有责任，之前已在“阻B”身上装AIR TAG，有牌子写上名称和电话号码：“正常人见到都唔会视为流浪猫或无人养，嚟紧会再买多啲猫带或者牌，令佢更突出系有人养嘅。或者佢太曳嘅时候，就困住佢，困多一阵啰，又或者人手唔够嘅时候，就尽量叫返佢入嚟。”