大埔宏福苑大火灾民今日（30日）继续上楼执拾。宏泰阁中层住户朱氏夫妇称，整个单位已烧成灰烬，只能取回少量物品，例如煲、碟及杯等。朱太提及，单位是新置入的，亦趁大维修期间一同装修，讵料入住约一个月便发生悲剧，“买完之后就装修，装修完就入去住咗唔够一个月啦，就发生啲咁嘅事啦。”

他们直言，安置方案可以选择的大单位都比较少，如要抽中可能要靠“运仔”，朱太形容感觉好差，“如果系知道而家咁样嘅选项嘅话，一定会系选择原址重建啰！”另有同住宏泰阁的居民，单位亦化成灰烬，但就比较幸运，能够寻回象牙筷子及子女出生的纪念物品等，“心目中想执嘅嘢都执咗㗎啦。”

宏泰阁中层住户朱氏夫妇称，早前已看过相片，初步知道单位大概情况，但亦心存希望盼不会太严重，“点都有啲咩希望嘅谂住，但上去就无啦都系。”朱太提及单位就一度哽咽称：“上到去始终睇过先至真系会⋯⋯心息啰。”夫妇二人上楼后就称，如预期般一样，整个单位已经烧成灰烬，“无嘢拎㗎啦基本上，都灰嚟㗎啦。”朱生就指只取回少量物品，包括煲碟及杯等。

朱太提及，之前住在毗邻的广福邨约10多年，宏福苑的单位是新置入的，并打算趁大维修一次过装修，讵料遭逢火劫，“买完之后就装修，装修完就入去住咗唔够一个月啦。就发生啲咁嘅事啦，咁唯有真系接受啰，无办法。”朱生就无奈慨叹：“唯有面对现实啰，因为都做唔到啲咩。”

朱太育有两名子女，她现时最希望抽到大单位可以安稳下来，但现时政府安置方案选择较少，每个地区只有数百个大单位，要抽到大单位就要抽头300前。她形容要争、要睇运数的感觉“好差”，她坦言如果早知如此，倒不如原址重建会较好，“如果系知道而家咁样嘅选项嘅话，一定会系选择原址重建啰！”

朱生就形容安置方案，看似有得选择，但实质就是设定好，引导你去选择，“感觉就好似一个家长带个小朋友去买玩具“任你拣啦啲玩具！”但去到𠮶个时候就“咦，呢样唔好买啦，𠮶样唔好买啦，拿我就叫你买呢个啦。”他又指，不希望政府“一刀切”不要称7座受灾大厦一定要拆，“最严重𠮶几座抽出来，或者无乜事𠮶几座又抽出来，大家去研究下啰，就唔好话一次过全部唔要咁样啰。”

同样居住宏泰阁的伍先生亦称，单位已被烧至化为灰烬，但幸好能够寻回心目中想要的物品，包括象牙筷子及子女出生的纪念物品等“心目中想执嘅嘢都执咗㗎啦。”

他又指，暂时未有考虑再上楼，但如果发现有物件遗漏，可能会希望再次上楼“基本上都七七八八，九九十十。”伍先生又坦言松了一口气，“等咗4、5个月先拎得到啲嘢，啲嘢𠵱家都仲喺度都ok㗎啦。”

居住宏昌阁的彭太，其家人居于宏建阁，她称很多宏建阁及宏志阁的街坊都想回家居住，但政府却称7座都要卖业权，现时连不受波及的宏志都要卖业权，“唔可能净返佢一幢，你叫人哋一幢点返去住？又未100%整好晒，最后佢都要好无奈咁卖埋个业权。”

她又指，虽大多居民曾要求开业主大会，但未能如愿以偿，又称完全不清楚方案内容，批评程序并不合理，无理由先卖业权后拣楼，“唔合理㗎，未开业主大会之前你就要我6月尾前卖咗个业权，有冇咁样嘅道理啊？要我卖咗个业权先去拣楼。”彭太无奈称“依家系无办法要接受，即系你要咁样行，咁我又冇办法。”她又指，现时楼价上升，但政府收购价又没有上升，“你叫我哋点样去买出边嘅楼？”

彭太表示，原本打算大维修后长住，并无卖楼意欲，又指宏福苑是一个好好的地方，就算要大维修都要挨过去继续住“就系我哋钟意呢个地方，所以先要挨过大维修，咁咪大家住得安安乐乐，殊不知依家冚嘭唥都唔安乐！”对于未来安置方案，彭太就不满能够在政府提供的居屋作选择，“点解你唔可以俾其他居屋？我哋选择？你夹硬要我哋拣𠮶一拃居屋，咁唔系个个适合㗎嘛，咁要返工点啊？”