【Save Lily事件｜Save Lily香港｜Save Lily父母】非常父母曾先生及关小姐，其在香港出生仅两个月大的幼子Danny，昨日被紧急送院医治，现时在东区医院儿童病房留医。父母经探望后再引述医生所指，Danny现时有发烧情况，或须做“脊柱刺穿手术”。经社工及当局批准后，周一（22日）凌晨时分，父母两人终获准进入病房探望Danny。

曾先生探望后透露，Danny现时只是轻微发烧，亦指收容所内有数名婴儿同样生病。他语带哽咽向记者形容，每次见到儿子健康状况均感到“每况愈下”：“我哋好担心Danny嘅情况，因为我哋每次见佢，个健康越来越差。第一次见佢眼仔辘辘、第二次见佢神情呆滞、第三次见佢就系入医院。就算入到嚟医院，我哋本身系冇得探，系因为传媒喺出面睇住嘅情况之下，先至有一个特别嘅安排。”言语间带有哽咽。

他续指，“收容所系可以提供到专业嘅照料，但代替唔到亲人𠮶个亲情。我哋平时系要抱住佢，佢喊嘅时候我哋会氹佢啦”，他更强调，“最紧要佢系每日都会食到人奶，而人奶对于BB嚟讲系最重要嘅！”他说，Danny现时改食配方奶粉，担心他未必习惯。

言谈间，他又搬出“儿童公约”：“根据联合国嘅《儿童权利公约》第12条，政府方面系要尊重Danny嘅意愿，儿童嘅意愿系要被尊重嘅。每次我哋探Danny嘅时候呢，Danny都系扑落妈妈度，怀疑佢想食奶。但我哋每个星期得一次嘅探视，完全系唔够，亦都无尊重到Danny要人奶嘅意愿。”

他又指斥：“今日佢咁严重去到发烧嘅情况之下，我哋都得唔到一般家长享受得到嘅待遇。受到保护嘅时候反而个情况又差咗，家长嘅权利又受到剥削，我哋觉得好愤怒。”

此外，他对保护令亦颇有微言：“就算有保护令嘅情况之下，都系要根据返联合国《儿童权利公约》，去考虑返儿童嘅意愿、同埋儿童嘅最大利益。你（当局）调查都见到，我哋对仔仔系冇伤害啦，而仔仔嘅意愿就系想食人奶、同埋系想返番我哋身边。呢啲意愿系一定要跟嘅，唔可以净系考虑你个保护令，而唔考虑儿童权利同埋佢家庭团聚嘅权利啰！”