张学友演唱会半路嗌中止　认烂声与歌迷商讨退票：冇办法过到自己

歌神张学友的《张学友60+巡回演唱会》东莞站原本于今年6月6日至8日，在广东东莞银行篮球中心举行，连开3场。不过最终因为有两天与中国高考撞期，加上附近有考场，有市民投诉并希望演唱会延期，最终主办单位宣布演唱会改为8月29日至31日举行。

而东莞站演唱会昨晚（31日）尾场，不过唱到一半，学友在台上突然宣布要中止演唱会，当晚已是巡唱第277场，学友说：“大家见到，开始嘅时候都已经好难控制到我把声，大家知我做咗40年啦系咪？今年踏入我41年，要我做一个我自己冇办法可以……我唔好话100%，或者掌握到我自己表演嘅一个演唱会，我自己系冇办法可以过到自己𠮶关嘅。我想话畀大家听，我今日拣嘅歌其实并唔容易唱，所以后面嘅歌亦都系唔容易唱，愈到后面愈唔容易唱㖭，我冇把握……我冇把握可以完成到今晚嘅演出。我知道咁样对我所有老师不公平，对佢哋好唔公平，每一位老师，我哋嘅Dancers，每一位都表演得非常之精彩，因为我自己个人嘅关系，如果我要喺度中止我嘅演唱会，我都觉得非常之抱歉嘅。”

学友直言自己对刚才的每一首歌都有尽全力表演，但对主办感到不好意思：“我好憎好憎我自己去取消演唱会嘅，好憎，何况喺东莞呢度，今日系第二次……上一次唔关我事㗎！我都想唱，不过就冇得唱，今次都想唱但唱唔到……”此时歌迷不停大叫“加油！”、“很棒！”来安慰学友，他续说：“我都唔知点收科其实，转头行返入去，走咗大家散咁样？系咪咁样㗎？我想问，我应唔应该继续做落去呢？”

歌迷叫他继续唱下去，学友也表示：“我跳舞呀完全冇问题，一字马亦都冇问题，仲系非常之好身手㖭，只不过始终我记得第一晚同大家讲过，演唱会如果你唔能够演唱，佢就冇办法成为一个演唱会啦，系咪先？我之所以咁同大家讲，因为我冇把握，虽然系有机会嘅或者……”之后学友更与歌迷商讨退票方案，他说：“希望大家唔好太大意，大家听到我把声都系沙沙地，继续做落去真系冇乜把握，都睇咗半场啦大家，系咪先？睇咗半场，大家而家返去退返飞都系冇问题㗎，系咪？”

他坦言相信在座没有任何一个人比他更想完成演唱会，相信大家都知道他有多喜欢唱歌，直指：“我系钟意到发癫𠮶种，所以头先就算把声烂晒，我都仲系想继续唱落去。”最后学友决定顶硬上，唱得几多得几多，“如果我真系唱唔到咪唱唔到啰，咁样得唔得先？主办O唔OK？”歌迷再高呼：“你想唱我们都听！”学友于是说会继续尽能力唱，若唱不到就请大家退钱，还自我鼓励：“继续努力！张学友！加油！”歌迷再大叫：“加油！”

学友直言若令团队的努力白费，自己会很难过，他希望观众和在场每一位都好好保重身体，希望下次再开演唱会都有机会见到大家，请大家尽情享受余下未必状态最好的演唱会，说罢就请歌迷陪自己大合唱《你最珍贵》，最终演唱会也顺利撑到完场，歌迷事后也在小红书等发文，叮嘱学友好好休息。