寰亚音乐一年一度《GROOVE GALA MA FAMILY SCHOOL TOUR》又启动，草蜢出道40年，第一次参与校园巡唱，与城大学生们零距离，全场超过300位学生逼爆宿舍花园，台上台下都又唱又跳，欢呼呐喊嗌encore，场面墟冚，他们扬言劲过红馆开骚。

今年MA Family校园巡唱阵容强劲，有冯允谦（Jay)、陈健安、黄淑蔓（Feanna）、云浩影（Cloud）、乐队Nowhereboys Boys、乐坛新人卢慧敏（Amy Lo)，以及舞林新星蔡浩然（Scott）等大晒冷。其中在城市大学站，更有“元祖级男团”草蜢特别演出。首次参与School Tour的草蜢表示感觉新鲜刺激。由主持“阿酸”介绍出场，草蜢以《华丽舞台》打头阵，台下学生们跟住唱，企第一排观众更紧贴舞台零距离。蔡一智说：“今日CityU嘅同学仔突破咗红馆第一行观众，因为依家红馆第一行都未必握到手。今日真系好近，一伸手就掂到！”他们边说边围绕舞台与同学们握手和击掌。

然后草蜢台上介绍新面孔Matthew，蔡一智说：“佢叫Matthew，都系CityU嘅同学仔，今年Year 2。认住佢，佢啱啱签咗我哋寰亚，做咗我哋师弟。”还叮嘱他：“记住CityU有乜嘢活动，带埋我哋一齐嚟玩。”之后草蜢演唱新歌《老的辣》，全场兴奋！

完场后蔡一杰说：“今日好开心可以返到校园唱歌，我哋三个都好耐未试过呢种感觉，回忆返晒嚟！”他们表示以前经常到各区校园或商场表演，同样是小小的舞台，特别有亲切感。蔡一智说：“以前我哋唱好多学校骚，不过好耐无唱啦，所以好多谢公司搞咗呢个School Tour，我真系估唔到啲同学仔咁热情。最初我以为系佢哋嘅爸爸妈妈先至会听我哋嘅歌，估唔到一唱《华丽舞台》大家都识，仲大合唱添，好惊喜！”

蔡一杰坦言：“其实头先喺台上我有啲紧张，因为有个唔记得咩名嘅症，总之好近距离表演时，我就会异常紧张。我今日最惊喜系台下嘅小朋友，都识我哋三个大哥哥，我好开心。啲同学仔佢哋都好开心，因为平时只会喺电视机或者喺K房先见到我哋，今日可以见到真人。”苏志威说：“今日嘅欢呼声真系听到好开心，年青力壮嗌起嚟好雄壮，佢哋嘅欢呼声令我好兴奋，虽然个台细细地，但同观众好亲近，感觉同红馆一样咁震撼，我都同喺红馆表演一样咁落力！”有同学高举“我五岁就追草蜢”牌，草蜢表示好感动。

不少同学在宿舍楼房窗边捧场，挥动手灯又做心心手势打气，蔡一智笑说：“佢哋好似喺启德运动场坐包厢，VIP嚟㗎！”苏志威说：“佢哋喺VIP区有冷气好正，但落嚟企台边睇嘅同学好近距离感受我哋嘅表演，可以握手，互相感受到大家嘅热情。”表演最后全场大合照，同学仔大叫encore，草蜢预告明年4月红馆演唱会，到时再见。蔡一智希望毕业礼再请他们来庆祝，又说：“下次直情搞个草蜢Scool tour啦！原来咁好玩，可以比佢哋感染到𠮶种开心气氛！”