杨千嬅一连六场的红馆演唱会《杨千嬅 Live MY LIVE 2025 演唱会》尾场于4日晚上圆满结束，演唱会ENCORE时段她多次泪洒舞台，受访时她解释：“因为依条回家路好长，就嚟返到又唔得，就嚟返到又唔得，但系我觉得一个好好嘅锻炼，呢六年可能喺演唱会上面多啲嘅机会，有好多练习，可能对音乐各样嘢，自己个练习多啲，有多啲唔同嘅嘢可以返嚟香港开。”她指最感动是见到很多已多年冇见的朋友、旧同学、粉丝，部份人原本已移民，都特地回来，尤其见住有歌迷以前著校服来支持自己，30年过去大家各有经历、故事，自觉光阴飞逝，上了年纪特别容易感触。

千嬅全晚共唱了42首歌，她直言是破了自己的香港演唱会纪录，她笑言辛苦攞到红馆档期，因此要唱到尽：“唱得一只歌就得一只歌，大家录咗喺手机度得闲攞返嚟听，练歌练咗咁多年，我唔想嘥咗啲歌，所以我死都要唱晒为止！所以今日最尾唱咗42只，好满足呀我自己都。”

演唱会开场前三日，大埔宏福苑发生大火，团队于短时间内作出安排，先是取消烟火特效和调整演唱会内容，并将首场演唱会收益以及六场演唱会的周边产品全数盈利拨捐东华三院，支援火灾救援及灾后重建工作。问到事件对团队影响大不大，千嬅就感谢团队迅速反应，并说：“的而且确系一件好大嘅事情，各方面都有好大感受，同埋系好伤痛嘅事，但系佢哋都会坐埋用一个最快嘅速度去处理咗大家嘅情绪，然后大家共识一样嘢，不如将音乐变成一种净化，希望大家有一个正能量share，一齐做一啲好嘅事，正面嘅事，所以我同所有主办单位、公司就话不如直接捐助畀灾民，呢个系……呢个时间最重要嘅嘢，不如我哋做一啲踏实嘅事。”

至于对千嬅自己的影响，她表示：“一定唔开心㗎！我一定会，我相信每一个喺香港长大嘅人，都会觉得系好伤痛嘅一件事嚟，因为真系尤其是我自己系一个妈妈，你对家庭一个突如其来嘅失去，系一件好悲痛嘅事。”她透露团队中有认识的朋友居于宏福苑，虽然当日不在现场、父母亦成功逃难，但全屋都在大火中付诸一炬，千嬅续说：“佢有嚟依个show嘅后台，我哋认识好多年喇，安慰佢，但你唔知讲咩好，实在系好痛苦嘅事，你只能够陪佢、听佢讲，只能够话‘不如你坐喺度，有咩需要帮手就同我讲啦，你需要倾偈就揾我哋。’因为陪伴，就系真心陪伴，所以呢个就成为我自己觉得最重要，真系陪佢啰。”

演唱会上，千嬅不止一次提及“陪伴”，她认为这确实非常重要：“一个人悲痛嘅时间，你讲好多嘢，佢都听唔到，佢未消化到自己𠮶种情绪，其实系好痛苦嘅事，但系如果有个人可以陪住佢，佢知道身边有一个人，佢嘅感受唔会俾人否定，佢会有种唔孤独嘅感觉、安全感，慢慢佢消化到，接受到，佢就会自然开始可以同你表达，咁𠮶时佢同你讲嘅时候，你就睇吓有咩直接嘢帮到佢，其实都系陪佢啰，身边嘅人，呢个系心灵重建最基本嘅一步。”千嬅并没有将自己放得太大，总之只希望透露演唱会与歌迷分享、学习如何消化情绪，在风浪中守护自己的心，互相支持。

Encore部份，千嬅突然在台上表示自己脚很痛，怀疑高踭鞋太高拗柴，又自嘲骨质疏松，她解释因为见到有个很可爱的小朋友便“踎一踎”，怀疑因此整亲，“踎一踎就咁样，跟住唔郁呀直头，我惊唔知系咪断筋！我有少少意识到真系唔好郁佢住，睇吓咩事先，因为你唔知咩事，企起身可能会chok亲，应该系起身嘅时候高踭鞋拗一拗，因为好高呀对鞋，应该冇事。”她最惊是左边膝头断韧带，但根据经验应该只是拉亲，相信无大碍。”

第三场演唱会上，前段《最好的债》部份，升降舞台装置因讯号问题发生故障，原定从天而降的特技人峰哥滞留于原位数小时，直至演唱会完结才返回地面，不过外间也有声音，质疑为何不先暂停演出让特技人返回地面才继续唱。千嬅再就事件解释，她指特技组成员在今次演唱中有角色、服装，亦参与《最好的债》、《再见二丁目》、《热血青年》部份，她表示：“𠮶度其实唔系机件故障，你知而家湿度好低，好多嘢行program、无线嘅接收，咁啱天气干燥接收有问题，所以我出场𠮶架船，同埋坐喺上面Truss嘅阿峰，落嚟嘅时候讯号有问题落唔到，我又唔知，我喺个台一路好行咁走嚟走去唱紧，后尾我问返后面，完咗show嘅时候即刻睇吓咩事，佢话当时佢唔可以即刻做任何事，佢要make sure𠮶个机件系可以安全先可以降落，唔可以即刻落，不过坐喺上面，阿头就话会安全啲，因为佢绑晒安全带，但系真系会好辛苦，之后佢落返嚟，成功救返落嚟，叫咗佢去check，佢话冇事，我都惊佢危险，佢个人冇事，但系真系好攰啰，你俾我屈喺上面都辛苦嘅！”千嬅透露主办单位对事件相当紧张，即时封利是叫阿峰去睇医生，冇事才开工，“第二日返嚟佢话佢冇嘢，因为佢好有经验，好专业，佢捐咗钱畀灾民，佢好sweet，送畀佢，佢就话捐咗畀灾民。”

.