唱作歌手陈健安第5张个人专辑《时间感【迟】》今日（19日）推出，他千叮万嘱Fans必须由第一首歌，跟住他精心设计的music flow去听全碟六首作品。专辑顾名思义探讨“时间”，而封面及碟内相集的靓相就以“水”做主题，以不同形态的流动比喻时间。

安仔说：“由年头推出《不迟不早》就想探讨‘时间’，乜嘢系‘迟’？乜嘢系‘早’？我谂每个人经历唔同嘅事，或者去到人生不同年龄、不同阶段，对‘时间’嘅感觉都会唔同。每个人都有自己嘅感受，系一个颇大嘅课题，衍生咗我想透过呢张专辑同大家探讨。”

“时间管理大师”非安仔莫属，他同一天拍摄唱片封面和明年一月个唱海报，但两边需要不同发色，他索性影完演唱会海报，即场在影楼洗手间染发，还大晒广告金句：“立即变黑晒，亦得！”

专辑相以“水”为主题，带出碟内探讨“时间”的作品，安仔非常欣赏美术总监Victor为他设计不同场景和道具，他说：“流动嘅水、似真亦假嘅水、真正嘅水，亦有由我身上喷出嚟嘅水，水嘅流动其实同时间嘅感觉呼应，你睇到啲水系流动？还是凝固？就由你自己解读！”其中一个装置有几个放大镜，钟摆式在安仔身边擦肩而过，他说：“放大镜揈嚟揈去好好玩，啲同事玩得好开心。放块面埋去面容扭曲，而呢个‘扭曲’正正代表时间，每个人对时间嘅感觉都唔同，各人有各人嘅扭曲程度，而放大镜钟摆式咁喺我身边擦过，光与影造出唔同扭曲效果。”

造型师Herman 准备了一件特别质料的衣服呼应拍摄主题，安仔说：“呢个料可以随便揸呀、扭呀，佢个质地会有啲停顿，扭曲过程有好多即兴嘅嘢喺拍摄入面。”而摄影师HungMC就准备了一个不规则扭曲的透明头罩，用镜头捕捉水从安仔头顶流过面部的瞬间。安仔说：“因为淋水落我个头，控制唔到影出嚟嘅效果，呢啲控制唔到就系拍摄时好玩之处。”

最后一个镜头，安仔自荐用口喷水，让摄影师捕捉水花四溅的形态，结果有惊喜。他笑言：“我细个喺球场玩喷水柱，今日终于大派用场，我觉得自己喷得好出色，仲可以俾摄影师选择细水长流，定系喷射式‘队穿墙’形态。”

今次专辑封面设计成“相簿”，封面任由歌迷摆布，安仔说：“设计师Sunny，我哋之前喺《PROJECT REJECT》和《Life afteR Life》两张专辑都合作过，今次佢将专辑封面设计成相簿，入面嘅物件可以郁动，甚至换相，唔想有我个样就换自己张相入去。至于点解叫《时间感【迟】》？大家听歌嘅时候感受吓！要由第一首开始听到尾，我好重视music flow，花咗好多心思去排。当中有一首作品《夜猫子》无派台，我作曲，系有一晚发梦时突然出现呢个旋律而作咗呢首歌，邀请到Jason蔡德才编曲和监制。”

安仔感谢歌迷多年支持他每个音乐企划，接著他继续密锣紧鼓为3个星期后，1月10和11日在西九文化区竹翠公园，举行首次个人户外演唱会“陈健安时的状态演唱会2026”练歌彩排，到时见。