Gordon Flanders王骏杨推出新歌《沟之口 没有 藤井风》，由Gordon Flanders及PLAYGROUND作曲、黄伟文（Wyman）填词，PLAYGROUND及Gordon Flanders编曲及监制。这首City Pop风格的甜蜜情歌，满载日本都市的复古气息，灵感源自Gordon早年在日本留学拍拖时的真实经历——黄伟文“借题发挥”，将这个经历与“能在沟之口遇见藤井风”的都市传闻巧妙结合，为歌曲添上轻松有趣的层次。

Gordon Flanders守候太太下班成灵感

他说：“我首新歌就叫做《沟之口 没有 藤井风》， ‘沟之口’就系日本一个车站， 而‘藤井风’相信大家好熟悉啦，咁点解会link up到‘沟之口’同埋‘藤井风’呢两样嘢去做一首情歌呢？其实系我同Wyman之间倾嘅一个题材，首歌就系描述我好期待太太快啲收工可以一齐返屋企嘅一个心情，𠮶阵时我喺日本有个routine每日就系喺 ‘沟之口’站返学，放学之后就返屋企先，等到我老婆夜晚放工，我又会去返呢个车站去接佢，咁至于点解有‘藤井风’嘅出现呢，其实系 ‘沟之口’一个小小嘅传说嚟，有传话佢就系住喺沟之口呢个站，但我哋两个都冇喺沟之口见过藤井风，咁Wyman就觉得我呢个分享好得意，于是就呢个歌名出现啦！我觉得好得意因为个名一开头睇一定会俾佢吸引，所以我觉得佢改呢个名系好有佢嘅谂法同埋好eye catching！”

Gordon Flanders耍手拒重游旧地

Gordon Flanders一向爱妻，亦曾推出不少歌曲向太太“示爱”，新歌关于当年与太太留日生活点滴，问到会否与爱妻重游并旧地回忆一番，他竟然耍手拧头，他笑言：“旧地重游我自己都未必话想特别返去，因为我每次返去东京我都感觉系去返学多过旅行咁，令我谂返起𠮶阵返学𠮶啲好苦闷嘅生活，反而可能去日本其他地方玩！”

四月开骚连发多重惊喜

日前他到旺角麦花臣场馆出席“麦花臣节2026”，宣布将于4月18日举行 《Gordon Flanders “New Classics Live 2026”》，他亦有透露新碟进度及提前预告演唱会惊喜：“新碟进度系十分之良好，如无意外就应该会喺演唱会之前一至二个星期推出啦！演唱会方面我觉得大家对我嘅既定印象就系我会玩吉他啦，但系我仲有另一个特别技能嘅，不过我一路都冇用过呢一样乐器，可以透露少少就系一啲‘吹奏类’嘅乐器嚟但唔系𠮶啲木童笛呀，呢一样嘢系我以前中学已经有苦练过！同埋我嚟紧有一首side track歌，入面个编曲我系会吹呢一样乐器嘅！咁可以率先喺度透露咗畀大家知先！”