唱作歌手陈健安纪念逝世20年的爸爸创作歌曲《梨子》，早前在个人演唱会上首唱，真挚演绎，感动全场。MV日前上架，以动画配手写歌词字幕，片尾一段陈爸爸温柔地氹小朋友的声音：“汽水、冰淇淋，好嘢，拎晒出嚟”更是触动人心。为找出这段声音，陈家总动员翻箱倒笼，究竟陈爸爸当年跟谁说话？安仔揭盅：“系家姐大女，爸爸嘅外孙女！”

陈健安新歌《梨子》MV　动画配手写字添人性温度

安仔说：“好记得爸爸钟意批梨皮一条过唔断，攞畀我哋睇，呢啲生活情趣。其实我有啲价值观、行为、生活习惯都来自爸爸，希望可以用‘梨子’做引子，分享我传承自爸爸嘅嘢。”MV以动画代替真人拍摄，他说：“我唔想太煽情，不如用Animation（动画）表达。邀请咗DJ阿柠（薛晋宁）画，佢擅长用木颜色，好靓。而因为歌词好够力量，希望焦点放喺文字上，用手写歌词，有手写嘅温度，我好喜欢！”

《梨子》由安仔作曲，创作旋律时未有题材，但Demo名和内容已有“平平凡凡”元素，去年决定写爸爸就邀请许弘毅填词，这是二人首度合作，他听了安仔分享爸爸生活点滴后写了《梨子》。安仔说：“佢写出我讲嘅所有故事，当中有爸爸生活哲学，好感动。歌词看似简单，但再消化吓就有几个层次，尤其是Verse（主歌）部份每句七个字，有poetic（诗意）感觉。”

编曲由安仔老best赖映彤（小彤）操刀，并与安仔联手监制，她说：“大家留意编曲上有递进嘅感觉，尤其是同陈健安做歌特别著重氛围。”安仔向小彤发出“3个P”要求：poetic（诗意）、piano（钢琴）、post rock （后摇滚），及加入仿黑胶碟“炒豆声”(Vinyl)增添复古感觉。

纪念爸爸逝世20年　收录23年前珍贵录音

至于爸爸的声音，安仔说：“首歌差唔多做完嘅时候，我谂不如加啲爸爸以前嘅声，就喺屋企群组问，原来家姐以前用DC（数码相机）拍片再烧成碟收晒喺床下底，佢摷晒出嚟逐只睇，再记低几分几秒有爸爸把声，我即晚去家姐屋企攞晒啲碟返嚟再拣。我谂爸爸估唔到自己把声全世界都听到，佢好钟意威，依家好威！”

“𠮶段声系2002年，当时家姐拍紧自己个女，爸爸氹紧佢外孙女。”因为找爸爸的声音，家族多了一个有趣的亲子活动：睇旧碟。安仔说：“家姐嘅大女未睇过自己细个嘅片，细女更加未见过姐姐细个，原来咁得意。一家人睇片好开心，变咗亲子活动。我家姐都有拍我中学参加歌唱比赛嘅片，将来可同大家慢慢分享。”

安仔在2023年专辑《Life afteR Life》收录了妈妈嘘寒问暖的WhatsApp 口讯，今次在新歌《梨子》MV尾段加入爸爸的声音，问安仔未来可继续为其他家人创作，制成家族系列？他笑说：“可能要出三只碟，我有六兄弟姊妹，仲有外甥女、侄仔，十几廿个人，都几大家族，其实家姐阿哥都好钟意唱歌，等我谂吓先！”

“我爸爸性格几唔听人讲嘢、几任性，我都系。（爸爸系咪浪漫派？）从妈妈口中‘你阿爸以前好靓仔’，讲𠮶时个样系沾沾自喜。爸爸口甜舌滑，好识氹人，多才多艺，识打功夫、踢波、写毛笔字好靓，每年都会写挥春。”他更爆料小时候有一次画画功课，爸爸技痒在其水彩画“海洋世界”用毛笔画了一只水墨虾，非常搞笑。