“黄妍《Here, There, Catherywhere》音乐会”下月25日假黄埔TIDES隆重举行！过去一年，Cath 黄妍游遍英国、荷兰与台湾等地巡回演出，今年她终于返屋企开骚：“今次个骚会表达我用咗两年时间，由筹备到巡唱嘅整个心路历程，我觉得系一个结尾嚟！以前觉得自己系表演者，应该由我畀力量大家，而喺过去𠮶年，我发现观众畀我嘅力量可能仲大，呢个连系系一件好有趣同好浪漫嘅事，我自己非常期待！”

自爆I人个性求突破　设互动环节与乐迷疯狂倾偈

自言个性是大I人的她，平日总爱收埋自己，但在台上与观众互动，令黄妍放胆与大家互换能量：“情感上变得好赤裸，呢个系过去一年巡唱嘅最大感觉，我哋好似有一套几有趣嘅live嘅默契，我好享受！”黄妍每次见到乐迷，都有很多心声想讲，她笑言同事们都请她不要说太多：“好多人对我嘅印象系文青，以为个骚好似图书馆咁好静，其实有睇过个骚就知，我哋个能量值都几高㗎！”黄妍又笑谓不少乐迷指“睇完骚好攰”，因为大家又唱又跳：“所以我都期待香港站嘅大家会尽兴，到时个台同大家好近，我会听到你哋讲嘢，随时都有倾偈环节，哈！”

自创心情日记海报:“今次唱咩cover歌好？”

黄妍特别紧张这次演出，更亲手为宣传海报写下满满的心情日记，她说：“佢哋整Poster𠮶阵叫我写低呢年巡演嘅感想，愈无聊愈好，事实系入面真系好多无聊嘢，但全部都系我嘅心声，仲有我嘅口头禅！”日记中尽显其大头虾本色，更大爆自己是“机械杀手”，最常遇到彩排顺利转头开骚冇声，更谓是“磁场”问题，从中亦隐约见到Cath问大家：“今次唱咩cover歌好？”继threads网民热烈讨论Cath cover《目黑》后，亦希望收集更多网民的反应，有望Cath选中于台上献唱！而这份真实的笔录，正正是黄妍最想与乐迷分享的：“文字对我嚟讲，都系一个几重要嘅抒发同记录渠道，邀请大家都留意吓啲字，可能入面都有你嘅心声。”

是次演唱会分为VIP及普通门票，所有持VIP门票的观众，都享有优先入场、优先购买纪念品及一对一合照的专属福利！黄妍亦不忘宣传周边纪念品：“虽然个骚冇特别dress-code，但系如果大家都着住个骚𠮶件Tee，我会好开心㗎，哈哈！”