邓小巧年首支派台作品《外向型忧郁人格》3月16日上架，歌曲由小巧亲自操刀填词，将自己对情绪及性格的观察写入歌中，认真有心思。

邓小巧新歌变“情绪急救包”

歌曲创作概念，的确令不少人心有戚戚然。小巧指歌曲灵感来自身边朋友及自身经历，“有时同朋友聚会，睇住大家嘻嘻哈哈，但我知道有啲人其实心事重重。而我呢？算系‘气氛担当’，但有时返到屋企会发现，原来自己攰到好似打完仗咁，哈哈。人前乐观，人后攰到散晒，呢种感觉真系好识揾上门。”她透露今次填词过程特别投入，因为题材贴地，写的时候想起很多生活片段，“写到‘外向与失落并存疲倦便休养’呢句嘅时候，我直头觉得系同自己讲紧嘢。我想同大家讲，就算你成日笑面迎人，都唔代表你冇唔开心嘅权利。外向同哀伤其实可以并存，唔需要觉得自己有问题。”

邓小巧新歌幕后阵容亮眼

作曲找来年轻音乐人Kudos Lam，编曲及监制黄兆铭。小巧大赞各人功力，“Kudos写嘅旋律好有温度，听完已经觉得心灵被抚摸咗一下。而黄兆铭嘅编曲就帮我哋营造咗一种由热闹到寂静嘅氛围，完全捕捉到𠮶种‘散场后嘅孤独感’。”MV则由陈国邦及顾定轩演出、洪助升（Aiden）担任导演。

小巧希望大家关心返自己内心𠮶个小朋友

小巧坦言希望新歌可以成为一份礼物，送给每一位“人前扮冇事嘅朋友”，“我想话你知，你唔系孤单嘅，就算系外向型忧郁人格，都可以好好同自己共处，最紧要系识得留返啲力，关心返自己内心𠮶个小朋友。”