洪嘉豪（Kaho）推出最新歌曲《穿波鞋的恶魔》，新歌由《黑玻璃》核心班底打造，Hans陈思翰作曲、陈咏谦填词、Hans陈思翰及Larry Wong监制。新歌反对爱情中的所谓完美标准，用“波鞋”象征情侣日常生活中的平凡但舒适的相处。

洪嘉豪分享新歌灵感

Kaho说：“新歌叫做《穿波鞋的恶魔》，首歌其实系讲紧情侣之间行一生一世嘅路系唔需要每日都容光焕发、国色天香嘅，做最简单嘅你就OK啦，唔需要每日都著高踭鞋，其实着波鞋系最好、大家最舒服啦！如果你问我呢首歌系咪代表我嘅爱情观呢？我觉得都系㗎，其实男仔有时可能见到女仔着高踭鞋都觉得靓㗎，但系其实时间耐咗，相处嘅时候都系会系变返好生活嘅感觉，我觉得生活上都系着波鞋已经足够，因为本身嘅你已经好靓！”

洪嘉豪自爆理想型是Karina

而他亦笑说现实的他比较喜欢善解人意及能互相迁就的女生，贴地当然最好，但也并非必然，他搞笑地说：“就算呢首歌嘅对象系我“老婆” Karina（aespa成员）！其实都成立架，你可以表演时咁靓，但对住我唔使！哈哈”

洪嘉豪自费买波鞋

他亦分享说：“为配合主题，今次拍摄MV选址旺角波鞋街一带一啲好地道嘅场景，我都有一啲同女主角孭住佢逃跑嘅动作，咁其实我觉得呢啲都系好sweet嘅moment！同埋因为MV入面都有唔同波鞋穿插，咁啱𠮶阵时有一款波鞋比较热话，咁我就提议不如买𠮶对波鞋啦！结果女主角𠮶对就可以入落MV制作费，而男主角𠮶对就要自费…...”

洪嘉豪将推出个人杂志

2026年嘉豪将推出以“杂志”为主题的全新个人专辑，为配合单曲主题，洪嘉豪同步推出自己主理的限量杂志《KIKI》Vol.01，以“波鞋”为主题，内容包括Kaho亲自分享波鞋穿搭技巧、私人波鞋收藏、MV独家BTS幕后花絮等，他说：“发现自己其实好多题材嘅音乐都做过，今年就想特别啲，咁不如做本杂志啦，同公司讨论完原来真系可以自己整！咁所以我哋就真系出杂志啦，但系就用一个杂志嘅形式去出碟，就系每一只歌都会有一本专属杂志推出，例如第一首就系《穿波鞋的恶魔》，咁呢一期嘅《KIKI》就系讲关于潮流嘅东西，只要你将每一本专属杂志夹埋一齐，咁佢哋就系一只完整嘅专辑啦！佢系非常限量架！每本都有独立编号，同埋真系唔可以错过任何一本！至于点解本杂志叫KIKI呢？我希望迟啲有机会再同大家解释！”

洪嘉豪主理 限量杂志《KIKI》Vol.01将于3月19日（星期四）起于指定7-Eleven便利店独家发售。