曾比特（Mike）推出今年第二首派台作品《CHANGE》，由Lee Ching及Kudos Lam作曲、Oscar填词、苏道哲与Kudos Lam编曲及苏道哲监制，继续用音乐跟自己对话同时，亦带出一个有力的讯息给乐迷。

曾比特分享自身经历

Mike认真分享，这首歌最想带给大家的是，任何事情都好，只要你想做就去做，哪怕是甚么时候开始，只要愿意开始，就不会太慢。他以自身经历作例子，“回想返自己以前嘅决定，例如参加《造星》、减肥，其实都系自己当刻好想去做嘅一样嘢，然后真系去做咗嘅时候，佢就会俾到一个相应嘅因与果俾你。”所以《CHANGE》就是想叫大家勇敢地去疯、去狂。

曾比特希望改善性格

问到Mike最想“change”甚么，他坦言是自己性格，“我最想change嘅一样嘢就系比较I嘅性格，因为除咗系天生，我觉得喺工作或者喺好多场合上面有少少会令到身边嘅人好难去了解更多、更深入嘅自己，我亦都系一个唔容易打开心房嘅人。”所以他希望可以改善，以更好地表达自己的感受。

曾比特飞鹅山拍摄新曲MV

至于拍MV难忘事，Mike即忍不住大爆两件趣事，第一件关于选角，“导演同我讲，MV选男主角最紧要就系个发型似我，佢casting咗好多人，最终系根据个发型，直咗头发之后嘅曾比特去挑选。”另一件是上飞鹅山拍外景，“我哋上飞鹅山拍摄，目标可以追到日落，但沿路上去嘅时候，大家都发觉，‘咦！唔系好对路！’因为啲雾越嚟越劲，我哋上到去大概目标位置时，发觉啲雾大到好似仙境咁样，总之就系睇唔到前面嘅路。”Mike更搞笑地说：“有少少似《李尸朝鲜》，然后啲丧尸喺雾入面冲出嚟，哈哈。”

曾比特定今年目标

提到今年目标，Mike相当进取，“最大目标系可以出到十首歌或以上，冲到一只专辑。因为我觉得作为一个歌手，做一只专辑系一样好有代表性嘅嘢。我出道咁多年，其实真系冇试过做一只大碟，所以今年嘅目标、亦都多谢公司愿意同我去拼搏呢样嘢。”亦透露情歌陆续有来，“公司俾咗好多自由度我，第一首歌《雪出个未来》同埋而家呢首《CHANGE》，其实呢两首都偏向同我自身比较有关系。对于大家嚟讲惨情歌喺曾比特嘅歌曲类型上面有好多，所以嚟紧有一啲歌反而系偏向感动、偏向甜蜜温馨。”又大爆会有新挑战，“嚟紧会挑战第一次填词，希望大家到时可以俾返啲feedback我。”