泳儿入行20年首自导自演MV 借酒入戏爆喊一Take过：喊到眼剩半只
撰文： 薯条
出版：更新：
泳儿（Vincy）今日（22日）推出全新广东作品《散光》，继续发挥她拿手的惨情歌功力。不过今次Vincy不止得唱，她更仲首次挑战做MV导演，跟Sheng联合执导，自己做埋女主角，导、演一手包办。
泳儿导、演一手包办。（公关提供）
借酒入戏“真材实料”爆喊
MV中Vincy有爆喊情节，她透露这场喊戏“真材实料”，“真喊，爆喊，一take过！当日全日都有准备定情绪，喊之前都有饮少量酒精帮助投入。”又笑言：“因为我知道每次唱《纯情有罪》都会喊，如果要拍爆喊𠮶个镜头，系一定要唱呢只歌，或者好Focus就系谂紧歌词，所以应该都OK啩，我都喊到而家只眼得番半只。”
MV中Vincy爆喊情节一take过。（公关提供）
泳儿借酒入戏。（公关提供）
黄伟文细腻操刀20周年心声
《散光》由迪子作曲、黄伟文（Wyman）填词、苏道哲编曲及监制。Vincy透露今次同Wyman倾过，想摆啲关于自己入行20年嘅感受入歌词，结果Wyman写了一句“有谁来爱我 再廿年 亦有机会 抽中我”，歌名呼应Vincy以往的作品，同时巧妙扣连出道二十年的节点。
《散光》由迪子作曲、黄伟文（Wyman）填词、苏道哲编曲及监制。（公关提供）
以“散光”喻爱情之盲目
Vincy亦亲自解画《散光》的意思，“其实系想借用人眼睛有‘散光’呢个状态，睇嘢睇得好唔清楚，所有嘢本身系好有瑕疵，但系就因为睇唔清楚，就觉得佢好靓，比喻喺爱情路上，可能都会因为睇唔清楚，而拣咗一啲本身其实可能唔啱嘅人，但你就以为原来佢啱、好完美。”她还提到歌词“你是谁 重要么 难受早已过”，想起以前的不开心事，但已成过去，“啱啱入行，廿年前，所有嘢都系好美好，当你人经历多咗嘅时候，你就会觉得呢个世界唔系所有嘢都好似你细细个𠮶阵时睇得咁完美，但呢个都系一个成长嘅过程。”
Vincy亦亲自解画《散光》的意思。（公关提供）