寰亚唱作歌手蓝奕持（Lester）全新派台作品《纯》MV上架，由Bryan Chiu 作曲、黄伟文填词、苏道哲编曲与监制。来自马来西亚的Lester，只身在香港读书和出道做歌手，靠与妈咪“讲废话”和分享无聊日常维系感情，舒缓孤独感。

蓝奕持新歌反映内心世界

新歌《纯》正好反映Lester的内心世界，他说：“呢首歌讲紧我向往𠮶种义无反顾嘅爱，因为细细个付出或者接收爱，都好简单直接。但长大后多咗啲嘢，例如责任感。今次MV喺一间空荡荡嘅房间拍摄，望出窗外，睇到饰演童年同埋少年版嘅我。我曾经成日觉得自己接收到嘅爱好唔足够，就算有，都有距离，可能因为同家人、以前嘅朋友唔喺同一个地方。后来明白，即使有距离都可以去表达自己嘅爱，亦感受到对方畀自己嘅爱，慢慢就释怀咗！”

靠讲废话维系感情

Lester自言被“I Love You”这三个字养大，与家人经常“Love”来“Love”去，与妈妈更常常揽揽锡锡，但长大后反而变得内歛，加上他与家人分隔两地，难以直接面对面表达爱，心里渐渐感到孤独。不过，Lester终于找到“解药”，他说：“当屋企人年纪渐老，对佢哋嘅爱多咗份责任感，唔再系我被照顾嘅爱，而系要孭起照顾佢哋嘅责任。嚟咗香港生活，我自己住，靠同妈妈讲好多废话去舒缓孤独感。有时候自己煮完饭影一张相分享畀佢，咩都冇讲，有时系啲好奇怪、好搞笑、好琐碎嘅事。”分享无聊日常，就是Lester向妈妈示爱的独门秘方。

学习广东话盼未来创作粤语歌

MV其中一件道具是Lester的日记，团队非常细心，将新歌《纯》的歌词、文案、他曾推出的唱片封面、乐谱、创作笔记等，写满日记内，Lester认证与他本人真实的日记的内容相似。不少Fans都表示期待Lester写广东话歌，他说：“其实我有试吓写，因为写咗好多年英文歌，都想有啲新鲜感，不过先学好广东话先，俾啲时间feel到个韵味，然后融入落自己嘅作品度。”拍摄当日，Lester拍了很多即影即有相留念，并透露亲签后透过网上分享平台送给Fans。