《大AL的音乐历程》演唱会将于8月21日在数码港商场中央表演场举行，为隆重其事日前举行记者会，圈中不少好友出席支持，包括卢海鹏、夏韶声、陈友、郑子诚、谢雪心、姚正菁等等！

大AL笑称“气功歌手”宣布开个唱

大AL上台时，好友台下不断欢呼拍掌，陈友更不时高呼演唱会日期和地点，认真够老友！大AL表示新场地开个唱，笑言属“热身骚”没卖飞压力：“加场要睇场地有冇期畀我，依家我只系想享受舞台，做自己想做嘅事。陈友呢个系好兄弟，我未谂要佢帮手啲咩，我哋系好朋友成日去佢屋企食饭。”

大AL表示依家屋企练功，笑言系“气功歌手”：“因为我而家唱歌会同屋企人讲‘你哋去行街，我练气功啦！’，其实唱歌都系练气功嘅！”

姚正菁自爆向韦绮珊拜师学唱歌

同场嘅姚正菁就自爆在大AL个唱“首唱”，依家充满压力日日练歌：“我依家日日都揾韦绮珊学唱歌，老师都话我有进步嘅，不过要上舞台都系有啲啲惊，几十岁人唔好理咁多啦，享受吓做新人嘅感觉，希望大家到时系掌声唔系‘柴台’啦！”