邓丽欣（Stephy）相隔14年推出全新专辑《Tathātā》，今次打破既有形象，以冷艳神秘的“暗黑女王”造型亮眼登场。专辑概念融合西方古典油画视觉，贯穿“过去、现在、未来”的非线性时间轴，展现成熟蜕变与初心不变的音乐哲学。

Stephy笑说：“我好似每一次做一件嘢都系相隔咗唔知几多年之后再做，好似上次开Show咁，又系相隔咗十几年，今次正式出碟都系相隔咗十几年。”

Stephy偏爱波波领造型大头照

今天是Stephy的快乐生辰，选在特别的日子出碟，而专辑名字亦很特别。她说：“碟名《Tathātā》，好多人都会问点读同埋点解。Tathata系一个梵文，意思系‘一如’ 。今次嘅概念系过去、现在、未来嘅自己，3个不同嘅时间，3款不同嘅造型、场景，去构造成我哋想讲嘅呢样嘢。”众多个造型之中，Stephy表示较喜欢“暗黑女王”造型，她笑说：“连自己都比较少见咁深色嘅造型，好有型，但平时好难会做得到，除非因为工作和衬好多嘢。呢个造型我觉得系好Cool，亦因为代表‘未来’，究竟未来会系点？会唔会就系好似依家？呢个‘暗黑女王’几有趣，尤其钟意呢个波波领，影咗好多大头相，好得意、画面感好强。”

专辑封面巧思融入Stephy亲绘西方油画

喜欢画画的Stephy，今次专辑悄悄地加入了自己的作品，她说：“其实未决定出碟之前已经有咁嘅构思，将我嘅画同我嘅样加叠埋一齐。原本想多少少，但时间唔够，所以只参与一部分。今次构思来自于西方油画嘅感觉，但系一啲扭曲嘅形象，有少少隐喻非线性时间性嘅表达。”又说：“好难用三言两语解释我内心、或者想表达嘅嘢，想大家透过专辑嘅歌、相、造型、设计等去领会。”

携手填词人Oscar圆梦探索“一如”哲学

“之前做过嘅歌，例如《黑天鹅》，好想探讨关于时间，或者关于大家都常讲嘅过去现在未来嘅自己。我想将呢样嘢表达出来，所以都想揾一个比较神秘啲嘅名字，我上网查，究竟我想讲嘅呢一个中文字‘如’，系咪真系有咁样嘅意思？结果见到呢个字，觉得‘噢，好靓！’，所以就有呢张碟名。”Stephy新专辑的创作与Oscar合作愉快，她说：“今次我好兴奋，由做歌开始，走到做呢只碟，同Oscar倾构思，我觉得系好圆满地做到自己好想讲同埋好想做嘅所有嘢。”