宣萱认自己黑面神　最怕人做嘢唔认真及侵犯私隐：工作上黑面较多

宣萱一向是知性又好演技，近日在新加坡获得视后殊荣，这个奖更是首度颁发予外国人，她接受方健仪YouTube节目《女人方言》访问时，也表示十分荣幸。访问中亦讲到她以前演戏获封为“御用人质”，宣萱笑言：“其实我都做好多女强人，就算做‘老婆仔’都系啲强嘅老婆仔，可能你始终都系走得甩，俾人捉咗你都要走得甩，我咁强，系走得甩𠮶啲。”

千禧年代花旦盛世，宣萱是五大花旦之一，曾传出与其他演员不和，亦有人在背后指她是“黑面神”，问宣萱有冇听过，她说：“我就冇听过，但系我肯定系黑面，我唔会收埋。我自己觉得通常一定系做错咗一啲嘢，唔系话唔准做错，而系𠮶样嘢系乜嘢。如果你日日喺度发紧梦，又唔留心大家讲咗你都唔做，返工唔背剧本，迟到，工作上嘅黑面比较多。或者私底下你Invade咗我privacy（侵犯私隐）我都会黑面，因为我觉得一啲基本尊重，要谂人，我觉得好多环境就系话啲人习惯咗我要，me me me，我要同你合照，我要攞嚟签名，你一定要畀我，你唔畀我，你就衰。唔得啰，好自然地人系谂多啲自己，希望人畀你，但唔畀系咪真系咁大件事？你要谂吓个situation。”

古天乐与宣萱曾传绯闻，甚至有人指全行之中宣萱是唯一够胆闹古生的人，她听罢回应：“闹？我谂我冇闹过佢，我识得睇眉头眼额㗎嘛，我睇到今日心情麻麻地，有啲嘢就唔好讲，行开啲，行开啲。但系有啲嘢譬如做嘢𠮶啲，我自己睇到一啲我觉得咁样唔好㖞，我会话俾佢知，接唔接受，或者你觉得应该点做，系佢话事，永远系佢嘅，我会话畀佢听。”

之后方健仪分享一次在宴会的经历，她说自己做开司仪，见惯宴会上有很多人喧哗、饮酒、Selfie……总之就不理会台上嘉宾，自己一早睇化，但有一次见到在这样的宴会中，当周遭的人都嘈喧巴闭，宣萱是唯一一位放下刀叉，专心凝望台上嘉宾与司仪的，令她非常欣赏，方健仪问宣萱有这样的反应是否因为她曾被无视，她坦言：“我梗系试过啦，但系其实读书有教，人哋讲嘢嘅时候你一定要听，不论你明唔明都好，可能你唔明佢讲啲乜嘢，但系你都要坐喺度听。”她续说：“试过喺上海有个private event，系某品牌嘅skin care，我喺个台唱歌，做嘉宾，全部行嚟行去，冇人听我唱歌，我好记得𠮶个感受，我好难受，我直程觉得，我做紧咩呀？我唔想做呢啲Event，因为我觉得唔受尊重，我又唔系唱得好难听啫！所以之后一路好记得𠮶种感觉，当然记忆返起读书时候教嘅嘢，呢个好紧要。”她设身处地想，自己如果在台上见到下面“吉晒”，都会觉得很难受。

方健仪赞宣萱十分冻龄，她透露自己的保养方法是通淋巴，试过本身额头有很多纹，通完就变得平滑。她亦分享到，人生低潮总会有，但最重要有选择的时候就不要迫自己去做不开心的事，不过当然也要识平衡。宣萱分享了过往的一次经验，以前她北上拍剧，早年环境仍很恶劣，每次上去都会入院、肠胃炎，所以她听到要北上都会惊。有一次她又接到北上拍剧的通知，人工虽可观，但剧组不似以前有五个香港或外国人，那次只得她一个香港人，她即耍手拧头：“我话我唔拍！我好惊，我唔想我上到去得我一个人，山旮旯乜人都唔识。”

不过经理人就教她，要找出平衡，“有啲嘢未必系你最想做，你唔可以唔钟意就唔做，有啲嘢如果系中间偏唔想，有冇啲嘢平衡返自己？可能人工可观呢样嘢可以平衡到你心态，你就去做，佢话‘总之你攞住叠cash上去，唔开心就攞出嚟数。’我话‘咁都得嘅咩？’如果你觉得唔开心，起码有啲嘢平衡下你，数数数，100、200、300、400……你会好开心，𠮶时真系拎咗啲cash去数，点知原来上到去拍得好开心，其实就系呢啲经历令到我知道，有啲嘢你惊，但系唔系咁差。”

至于感情生活，宣萱就说随缘，有伴当然会开心，但人大了就觉得不需要太执著于爱情，自己也不缺异性朋友，但暂时未有适合对象。她认为：“我自己觉得心里面系有嘅，未出现，觉得个天一路train紧我好多嘢，一个人太顺境，你唔会学到，你唔会睇到嘢，因为太顺啦嘛所有嘢，永远都系你唔开心嘅时候你先会学到一啲嘢，咁你就要捉住呢啲时间，学咗之后你要袋，袋咗之后唔好再重复发生一啲嘢，呢啲系一啲提醒，有机会经历系好事嚟嘅我觉得，我觉得佢喺度train紧我，prep紧我，希望我可以再好啲，做好啲可能性格上嘅缺陷，或者个人一啲嘢，希望有个啱嘅人出现嘅时候，就唔会有撞板。”宣萱认为现阶段生活已很好，很珍惜所拥有的一切，即使不用开工的日子都要照顾狗狗，又要探老人家，所以已十分充实。