梁敏巧真学生Look曝光　自爆同步被5人追求：唔系水性杨花呀

TVB恋爱综艺真人骚《女神配对计划》自播出以来成为全城热话，更成功棒红叶蒨文、罗毓仪、关嘉敏、李芷晴及梁敏巧（Maggie）5位女神！最初播出被批“唔靓”的梁敏巧亦在尾声获大平反，在节目中以马尾校服Look获网民洗版式大赞靓到爆灯。梁敏巧更公开读书时的“真‧学生Look”，样子清纯、甚有邻家女孩Feel的她大爆曾同时被5个男仔追，相当抢手！

对于被质疑同时被5个男仔追的真实性，梁敏巧解释：“网民们唔相信我有5个人追，我谂返都系唔相信嘅。虽然系开朗活泼但唔识打扮，但我真系好活跃，有参加唔同学会级活动、社活动、制服团队、同级同班、唔同班、师兄、出面参加制服团队的成员，所以可能因为系好多圈子出现，会有呢个结果，唔系水性杨花呀！”

至于被网民问道如何同步Handle5个男仔，梁敏巧亦大方答：“我无特别要点handle，最简单钟意咪沟通多啲。无感觉咪冷淡等佢哋知难而退，我屋企管好严所以唔会出街。我谂最头痕都系约温书，我会索性同佢哋讲约咗一班同学喺边度温，随意join。倾电话send讯息纯睇心情，可能因为咁养成佛系复信息。其实我了解后无feel我会好冷淡，完全唔会比假希望唔收兵～有人好快放弃，有人追足一年！”