吴卓羲认证“山寨吴卓羲”激似　大爆阿姨电话求证：问系唔系我嚟

吴卓羲今日（13/9）现身金钟出席投资分享会。近日澳门一间网红牛杂店，有网民发现一位“山寨吴卓羲”，与他相似度达95%，有不少网民第一眼都认错，场面令人相当尴尬。

吴卓羲接受《香港01》访问时笑言：“其实识我嘅人都知𠮶个唔系我嚟，因为我唔食牛。（唔食牛都可以卖牛杂！）唔得㗎，得唔会做呢啲嘢，因为得系信佛。（有冇睇过张相？）有睇过，真系似，系戴咗口罩嘅时候。其实我睇侧面系好似，而我阿姨打畀我问𠮶个人系唔系你嚟？系咪拍紧戏？我话似，但唔系我。其实我都费事睬佢，本身佢实知𠮶个人唔系我嚟。”

被问到对方靓唔靓仔时，吴卓羲表示：“其实佢似得我都靓仔嘅。（会唔会过去睇吓佢？）咁又唔会，因为我都唔食牛，过去有咩好睇呢，不过讲真有人似我都算有啲成就。”