敖嘉年今日（30/9）现身观塘出席中秋节义工活动。对于近日有一对男女光顾荃湾一间火锅放题店时“又食又拎”，涉将大批肥牛、生蚝及虾蟹等食材放入环保袋企图拿走，但遭店舖闭路电视拍下“断正”，事件引起全城关注。涉事男女光速被起底，有网民指贪心男疑为医疗辅助队的成员。

敖嘉年接受《香港01》访问时表示：“其实睇到呢单新闻，我觉得几震撼。点解会有呢种感觉，系见到𠮶间嘢系食自助放题，而𠮶个男人用个袋袋走咁多食物，个行为系好奇怪，同埋佢攞𠮶个份量都好过分。不过见到佢用只手攞完啲肥牛，然后又抹头发，呢下我先觉得惊，觉得系好唔卫生。成件事嚟讲呢个行为系唔啱嘅。”

对于涉事男被人光速起底，敖嘉年表示：“我哋依家好多时都会睇到啲第一时间放上网嘅片，变成咗我哋现今嘅一个习惯，而我睇到啲留言全部都系闹紧佢，当然对当事人嚟讲系会有好大嘅影响，同时亦警惕到佢，亦警惕到其他人唔好做呢啲嘢。”