陈星妤今日（3/10）现身将军澳出席无线剧集《金式森林》宣传活动。陈星妤接受《香港01》访问时表示：“今次我嘅角色算系一个反派，可以话我系一个想做坏事，但又唔叻，可以话系蠢蠢地‘可爱八婆仔’，当中少不免有闹交场口。”

陈星妤又指今次的角色同以往所演的角色很不同：“以前演𠮶啲比较正派啲，同纯情啲。今次就破格啲，就会成日闹人，希望大家睇完唔好嬲我。不过讲真演呢个角色，有啲场口演完都几攰，因为多数要同女人闹交，而且系不分辈份去闹人，咁所以演完都几攰。”

提到剧集《金式森林》在内地已经播完，被问到会否担心影响收视时，陈星妤表示：“其实又唔会担心，因为睇到有啲留言话，一开始冇乜留意呢套剧，但当有一啲片段流出，反而系令到佢哋继续追看，因为佢哋觉得套剧令到佢哋有深刻印象。”