刘佩玥有份演出的《巨塔之后》热播中，剧中刘佩玥和乐珈嘉为继母女关系，原来现实中也因拍剧而结缘，成为“契妈契女”。不过，两人年龄只差14岁，为甚么会是“契妈契女”而不是“姐妹”，原来又有另一个故事。

刘佩玥接受《香港01》访问时表示，本身喜欢做投缘的朋友的小朋友的契妈，她说：“一开始系谂住，大家咁投契，不如做姐妹，但系我哋喺套剧入面系继母女。嘉嘉好搞笑（说）：‘突然之间改唔到口呀。’我又系㖞，好唔惯，咁不如叫返妈咪啦，所以就好自然一路都系咁样。我觉得系缘份。”

她续说，除了被人爱锡之余也有将爱传递给其他人的冲动，“有一个女仔咁信任自己，佢又好钟意嗲我，好鬼得意。我又好想要一个咁乖嘅女。”想不想自己生返个？她回答现时会考虑更多：“难听啲讲，系自私咗，好听啲讲，系考虑嘅嘢多咗。时间、钱、情绪，所有嘢都要畀佢，我会希望我系一个做好晒个人嘅嘢，先去take care小朋友嘅一个人。”她最后也表示，生小朋友需要“冲动”。